平凡?不平凡!!

 

對住大寶...

有時真係無佢符...

講曳, 佢又曳唔哂, 有時仲曳得好傻..

 

 

好似baba放工返來時, 倆傻人嘅對話,

ba : 今日好倦呀, 隻手倦到郁唔到啦,

大寶 : (拍住ba膊頭) 好溫柔咁講 " 唔緊要啦~ 我抱你啦, 抱吓就無事o架啦~"

ba : 吓??? 但我就係e+抱住你, 所以先咁倦呀ma....

大寶 : 咁... 你唔好抱, 揹我啦~

ba : 吓??? 咪又係倦....

大寶 : 咁.... 你唔揹, 同我跳同跑呀~

我 在一角暗笑, baba... 你都係無得甩難做自己嘢o架啦, 陪佢玩把啦,

ba : 救命呀~ 不如你搵媽咪陪你啦,

大寶 : (好慘好慘咁... )唔呀!!!!! 我掛住你呀, 我鍾意你呀! 你陪我啦, (再加個扁嘴樣)

就係呢句,

baba成晚都陪住大寶, 再無怨言, 呵呵~~

 

 

所以, 尋日我哋就買咗個蛋糕比佢開心吓~

 

 

初初仲一頭霧水?? 不停問邊個生日??

 

 

點知, 一想切蛋糕就講 " 我哋要插蠟燭o架喎~"

點完蠟燭就自動波唱生日歌, 仲要又係 " hap~py bri~th~day to大寶 "

點解次次都係大寶??

不過.. 算啦, 今次都係買比你嘅~

 

 

 

 

就係咁.. 平凡假日都變得不平凡~

 

開大餐

 

 

 

 

又到聖誕節啦, 好多人都會去食聖誕大餐~

但細寶係無牙豬, 又點會有份....

 

可憐細寶面仔....

成為超可惡嘅蚊蚊開大餐嘅地方.....

呀!!!!!!!!!!!!!!!!!!! 點解大, 細寶都咁惹蚊...

差2粒就集齊做北斗七星!!

睇o黎你都係青出於藍, 要用更多嘅防蚊用品啦....

大寶往積~~身同慘況

眼看手"又"動

又到聖誕啦~

今年青衣城嘅燈飾十分普通, 毫無特色可言....

 

不過大寶依然睇得好開心~

仲手多多周圍攪攪震....

好彩無咩人, 失禮死啦!!

 

 

 

 

 

 

 

 

轉貼 : 別讓父母的痛，成為你一生的遺憾

 

 

轉貼 : 別讓父母的痛，成為你一生的遺憾

很久以前，有一棵大大的蘋果樹，一個小男孩每天都喜歡到這兒玩。他爬到蘋果樹上吃蘋果，躲在樹陰上打個盹兒……他愛那棵樹，那棵樹也愛跟他玩。
  

時光流逝，小男孩漸漸長大，不再來樹下玩了。
 

 一天男孩回到樹旁，一臉的憂傷。樹說：“和我一起玩吧!”男孩回答說：“我已經不是小孩子了，我不再爬樹了。我想要玩具，我想要有錢來買玩具。”樹說：“ 抱歉，我沒有錢……但是你可以摘下我的蘋果拿去賣，這樣你就有錢了。”男孩手舞足蹈，把蘋果摘了個精光，開心地離去了。男孩很久沒回來。樹很難過。

  一天，男孩回來了，樹喜出望外。樹說：“和我一起玩吧!”“我沒有時間玩。我要做工養家，我們要蓋房子來住。你能幫我嗎?”“抱歉，我沒有房子，但是你可以砍下我的樹枝來蓋房子。”男孩把樹枝砍了個精光，開心地離去了。
  樹心滿意足地看著男孩的背影。然而，從那以後，男孩再也沒有露面。樹又陷入寂寞和難過。

  一個夏天，男孩回來了，樹雀躍萬分。樹說：“和我一起玩吧！”男孩說：“我很傷心，我想去劃船，讓自己悠閒一下。你能給我一條船嗎“用我的樹幹造一條船吧。你可以開開心心地想劃多遠就多遠。”男孩鋸下樹幹，造了一條船。他劃船而去，很久很久沒有再露面。”

  終于，多年以後，男孩又回來了。樹說：“抱歉，我的孩子，可惜我現在什麼也沒法給你了，沒有蘋果給你吃……”男孩回答道：“我也沒有牙去咬。”“沒有樹枝給你爬……”“我太老再也爬不了。”“我實在什麼都給不了你了……我惟一留下的就是我的枯老的根了，我太累了。”男孩回答道：“好吧，老樹根是歇腳的最好的地方了。”“來吧，坐在我身上歇歇腳。”男孩坐了下來，樹開心得熱淚盈眶……。

  這是我們每個人的故事，樹就是我們的父母。

  當我們年少時，我們喜歡跟爸爸和媽媽玩；當我們長大後我們就離開他們；只有當我們有求于他們或遇到麻煩的時候，我們才回家。無論如何，父母總是一如既往，想方設法讓你開心。

  你可能覺得男孩對樹太無情，然而想想我們又是怎樣對待我們的父母的呢?

親愛的朋友們，不管你現在何方，景況如何；也不管你有多忙碌；想想遠方的父母，拿起電話吧，給老人一段美妙的傾訴時間吧！

 

 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 

眼淺嘅我, 睇完好感動~

 

 

自創玩具

玩具呢家嘢, 並唔一定要買嘅,

隨手一樣都可以玩一餐, 呢個道理, 係大寶身體力行做比我睇~

續地墊邊當釣魚竿玩之後,

今次就用埋地墊添,

一塊塊棟起就成為一個堡壘啦~

跟住又玩釣魚啦... (真係近期最愛, 不停釣, 只係場景唔同咗)

 

呢隻仔, 無咩好, 就係創意無限~

成日將d舊玩具變來變去,

咁都好, 可以慳唔少買新玩具$$

不過... 玩到連褲仔都唔著..

剩係著條底褲仔, 醜死豬!!

 

楊"揹揹"

大大鑊啦....

細寶跟足大佬寶, 要"揹"住瞓呀~ 點算? 點算?

都係我衰啦, 返工放工, "咩上咩落"

就養成"揹"嘅習慣...

細寶好似較咗鬧鐘咁, 知道早上有得"揹", 下午食飽飽就瞓床仔, 起身又"揹"過, 到晚上又瞓床仔, 隔住隔住咁...

假日係屋企都係咁... 好倦呀!!!!

 

 

 

 

2寶一齊排排坐, 眼神好似呀~

 

 

 

大寶近期愛上釣魚,

將d地墊邊起哂出來, 一條條咁掛係細寶床邊,

再坐係度等魚上釣...

佢話有大眼魚, 扁踢踢倉魚, 海龜, 紅蘿白, 火車喎.....

就咁玩都可以玩一個晚上...

 

 

噴"屎"人

其實, 人奶BB會噴屎, 我早有準備,

只是一心諗住, 有訓練過, 點都唔會再雞手鴨腳啦掛~

點知近排細寶又還回基本步....

 

其實細寶呢個零月都算合作, 每次開大時都會比signal我,

扭來扭去兼"DO"起嘴仔~

如果好彩兼手腳手, 我係會用到痰罐接,

 

最怕係在無心理準備下比佢突襲成功...

一係就食住柯, 大啖食, 大力柯!!

真係咁直腸直肚咩??? 仲嘢嘢吱到上背脊!!

 

一係就..一開片就噴屎, 好似得到解脫咁, 

噴完屎屎仲腳牚牚, 整古到媽咪係咪咁開心??

好彩我次次都用隔尿墊擋到,

如果唔係就一身屎啦,

不過擋得屎來又接唔住sh sh....

唉... 你+吓同我玩反應快呀??

真係同大佬一樣呀, 由細就同我玩作對啦....

 

給baba

不知不覺, 我同baba已生活在同一屋簷下7年啦,

七年之癢順利過度~ 哈哈~

 

初初, 大家都咁火爆, 就緊係日日都火星撞地球,

為你沖涼先定我沖先呢d雞毛蒜皮事都可以嘈一餐,

諗起都幾無胃~

 

 經過多年嘅撕殺, 我哋終於都搵到相處之道,

大家都認清大方向就無胃再日嘈夜嘈了,

 

雖然都仲會幾日一小吵同冷戰吓, 但講吓講吓就會好返,

可能呢d就係我哋嘅溝通方法, 好難會做到相敬如賓~

無計, 大家都係直腸直肚之人, 哈哈~

咁仲好, 唔駛估估吓~ 

 

雖然只是小家庭, 但我好滿足現況呀~

因我有2寶, 又有baba錫我,

 

只希望繼續如相中公仔,

同舟共濟, 一心一意, 為家付出~

 

baba, 遲來的結婚周年快樂呀~

1担砂糖1担屎

 

平時, 大寶都係自己玩嘅多,

對細寶只會錫吓面仔, 拖吓手仔,

難得今日心情好, 對住細寶又攬又錫, 肉緊到七情上面,

 

但係..

哥哥呀, 你突如其來嘅熱情, 細寶好似唔多享受喎....

 

 

 

 

攬攬錫錫之後, 又係旁邊玩枕頭大戰,

最後仲打中細寶.....

 

哥哥呀~ 你咁一担砂糖一担屎...

唔知第日細寶會唔會報仇呢???