今日留在家無走圍玩, 點知就出事啦......
話說baba同大寶好喜歡在床上玩大長轆, 由床頭轆到床尾,
咁今日如常在家玩到癲, 玩到傻啦,
點知玩玩吓大寶一個失手攬唔住張被, 就 "嘭" 一聲撞咗落個玩具桶度....
仲要係鐵個隻, 嘩....我哋呆咗2秒.... 即時抱起大寶....
點知已經喊到個口大一大, 但一d聲都無......
再抱佢緊一緊時, 就來料出聲啦, 真係喊到拆天咁大聲, 喘哂氣個隻.....
好彩只係撞傷咗個鼻樑, 流咗小小血...
但就嚇到baba面都青埋....
之後一整日都無理心機.....
咁我哋唯有安慰佢就同佢講
"唔係你嘅錯呀, 係baba接你唔住咋, 你無錯呀, 唔駛驚, "
到第2日返學時, 個個問起大寶個鼻咩事時?
佢都講 " 撞親lor, 同baba打交呀, baba接得唔住, 喊呀, 痛呀, "
哈哈, 明明係玩整親就講咗打交, 真係... 有d開始開事非嘅感覺.....
嘩....真係陰公lor....不過好快就會好番架喇!! 放心~~~~
回覆刪除[版主回覆09/26/2008 23:37:00]呢兩日已好番好多啦, 佢照鏡之後都無唔開心了, 第1日一見到自己個樣就想喊想喊咁....
好彩無大礙唧! 祝大寶早日康復, 回復皮光肉滑
回覆刪除[版主回覆09/26/2008 23:38:00]已好番好多啦, 不過一d都唔皮光肉滑, 都係奀皮奀肉
皺哂眉好唔開心咁喎..笑番啦
回覆刪除[版主回覆09/26/2008 23:39:00]佢唔想比我影相, 所以嬲爆爆lor
你都萬事小心啦...細寶快出來啦...
回覆刪除[版主回覆09/26/2008 23:42:00]係呀, 仲有十幾日咋, 佢每次郁一郁我都好緊張, 但又好期待見到佢
你都小心身體呀, gu仔好番未呀?
大寶mommy 同 gu 仔mommy 兩個都 大住個肚, 兩個哥哥都唔小心整親, 真係辛苦兩個mommy 啦, 大寶唔好咁嬲啦
回覆刪除