講完壞習慣就緊係講吓好習慣啦，而大寶既好習慣其實都係得兩樣，
就係”睇圖書”同主動”食生果”啦～
咁．．身為講古呀四，要令大寶聽眾投入既，
就當然要時常入ｄ新貨來充牚場面，
近來就係親子洋同當當網度入咗ｄ新書，大寶見到咁”正”既圖書，就不停叫我陪睇啦～
呵呵～ 呢ｄ咁好既角色我當然要做啦
呢本新寵｛毛毛虫圖書｝就係呢期至愛～
第２新寵就係有車轆既小書仔～
而呢４本書就係日日都要睇一睇既必讀書，特別係前面個２本”哥哥書”
呢套無字書，本想留比細寶既，估唔到大寶都好喜歡，不過就幾考我既想像力，要將小小既圖畫講到好精彩都幾係野
湯姆系列既書好正，個個單元都有機會發生係大寶身上，所以佢都睇得幾投入
至於呢套書就內容來講就普普通通，但在大寶眼中又係一套好書，因為有好多”車”同Ｄ圖畫好吸引到佢，有貓，兔仔，豬仔，羊仔，好多動物，係食飯時既必備品
呢套書既吸引度暫時並未能發揮到，不過我諗大寶好快就會注意到佢o架啦
大寶好喜歡”小熊布迪”架，不過睇來睇去都係一本｛來洗頭｝點解咁獨枯一味既
果4本有車轆既書好得意, 男仔一定勁like^^
回覆刪除收穫真係好豐富喎, 其實我都睇岩左d書想訂, 不過諗諗下都係等多陣, 因為書展就到, 睇下到時有幾多收穫至訂
[版主回覆07/12/2008 12:11:00]無錯, 大寶係當玩具多過書咁睇
書展既書會唔會好貴呀, 話哂香港出版....
你有好書都介紹吓好喎
我個人覺得訂英文書真係好抵, 我買齊四套清華大學出版既機靈狗故事樂園, 蕎蕎睇左年幾仲好鍾意。 不過中文書就算貴D都寧願係香港買, 因為都係買繁體字書比較好, 希望係書展搵到好野啦
回覆刪除[版主回覆07/14/2008 20:47:00]我都好想去書展搵好野, 不過無咩時間......
同埋我怕去咁多人既地方, C6又話要陪, 但佢又唔鍾意睇書, 咁我就好難搵到好野啦..
嘩... 真係好多書喎, 等我都上去個網到睇下先...
回覆刪除不過大寶真係值得讚 肯食生果, 臭臭肯食一啖, 我都不知幾開心啦
[版主回覆07/14/2008 20:49:00]近排佢好似出緊大牙仔, 咩胃口都無哂... 剩係食吓蘋果同水蜜桃, 無哂辦法....
臭臭唔肯食生果呀? 比D甜同多汁既佢試吓, 好似蜜瓜同西瓜咁, 一定鍾意
嗰日見到你便是買呢d書呀? 好豐富呀!
回覆刪除[版主回覆07/14/2008 20:51:00]係呀, 就係買咗呢批書, 套車仔書我諗博博都會鍾意~
哈哈~佢肯睇書真係好啦,亞仔入去圖書館都比人話架...好嘈
回覆刪除[版主回覆07/14/2008 20:52:00]我未試過去圖書館呀, 因為佢唔係自己睇, 而係要我讀比佢聽o架, 所以...可能我比人話都唔出奇
嘩~!有咁多書~~小朋友學習的興趣可以大大提高!
回覆刪除[版主回覆07/14/2008 20:54:00]希望佢會持續呢個好習慣啦 , 第日識玩其他野時可能就唔愛睇書啦....
我早前都買了這套車仔書, 但是博博用來當車玩多過當書睇, 所以已經有d爛掉了....
回覆刪除[版主回覆07/17/2008 16:57:00]哈哈~ 爛咗咪比藉口自己再入D新貨LOR~
嘩!!! 真係入左好多貨喎!!! 車仔o個本, 真係有得玩又有得睇..正呀!!
回覆刪除我上兩個月又係咁...買買下好似失控左..愈買愈多...e+要忍忍手先得喇!!
[版主回覆07/17/2008 16:58:00]書呢樣嘢又唔怕買得多過頭既, 因為你有孖女MA, 買多D就唔怕爭書睇啦
真係好多書呀...我依家開始停啦,去圖書館啦,因為實在太多了...哈哈
回覆刪除亞仔反而最喜歡弗洛格