開始發力啦~

自從去了2次旅行之後, 心情勁好~ 連胃口都開始好轉~

加上晚晚都有呀媽愛心湯水,

我諗我既體重已開始回升了, 下次檢查時應該無咁擔心.....

細寶, 細寶~ 你5個月啦~

你要努力吸收多d營養呀~

做個肥肥白白既靚豬,

 

 

澳門大胃王之戰

今次澳門之行最大收獲就係我地既胃~

差不多係食唔停口, 係咁食! 食! 食!!!!

睇吓大寶連點菜都咁投入就知幾大吸引啦~

一路行去大三巴時, 沿途大寶已食了很多杏仁餅, 牛肉乾 , 點知見到生果又忍唔住叫我買個蘋果比佢, 而昨晚經過街市時又無拿拿話想食香蕉, 食呢d又咁有胃口, 食正餐又唔見你咁起勁......

大寶食完就到我食啦, 滑滑豆腐花~ 

澳門既豆腐花係加花奶既, 所以特別香同滑, 正!!

個名好似叫 "李寶記" , 在新馬路同善堂轉入d小街既舖頭, 每次回來都要食番2碗先夠喉~ 今次大寶都爭住要食, 搶咗我半碗!!

食完無耐..... 大寶見到d生果杯又忍唔住叫我買啦~

好啦, 好啦, 我食唔到就由你代勞食埋我個份啦~

之後又到必食小食 "燒雞翼"

呢位呀叔並唔係經常開檔, 今次好彩食到啫~ 大寶毫不客氣, 話咁快就食了一串雞柳, 香腸同一隻雞翼, 仲勁過我!!!記得以前有檔煎紅豆餅既檔仔, 又係超好味~ 可惜已搵夠收山了, 還有三盞燈附近既魚湯粉, 炸大腸, 咖哩角~ 諗起都流口水...

來到澳門當然要食葡國菜啦,

今次就試吓呢間 "內港餐廳O PORTO INTERIOR" 在媽閣廟附近, 都幾正宗既~ 大寶食餐前既麵包食得幾知味~

頭盤有廚師沙律

葡汁焗磨姑雞飯

馬介丘炒什菜~  極力推介, 好好味~

椒鹽盧魚~ 第2推介, 美味~

好滿足的一餐, 食得開心, 傾得暢快~

大寶由頭帶到落尾, 食足2日, 勁!!!!

澳門既美食, 我地下個月見啦~

突襲澳門2日遊

昨晚睇新聞時, 聽見澳門落實派$$, 開心到飛起~ 呵呵~

立即決定同大寶回去辦証件, 本以為1日會ok辦妥,

點知.....

1個月後要再去澳門辦多一次証,

好啦~ 一場來到就玩吓啦, 話哂都3年無回來澳門了,

第一站就去 "魚人碼頭" 閒逛~

十分適合小朋友玩既地方, 又大又無咩人, 環境又新,

但對大人就十分之悶... 呢d旅客地標, 我以前係唔會到既, 但為了大寶都要去睇一睇, 

就當自己係遊客吧~

大寶係呢個噴水池玩到落湯雞咁, 但無所謂啦,

因為今天實在好熱!! 好熱!! 好c熱!!!

第2站就係去 "大三巴" 行樓梯~

大寶近來十分喜愛上上落落既梯級, 今天就比你行餐飽既,

仲要招積到食住蘋果觀光添~

最後一站就係 "媽閣廟" 跑~ 跑~ 跑呀!!!!

我細個時常常到既地方~

可惜今次實在無咩體力了, 還有好幾個地方都想帶大寶去懷念一番, 好似主教山, 松山, 氹仔, 路環, 白鴿巢公園, 二龍喉公園,

唯有下次慢慢遂一挑戰~ 哈哈!!!