今天既目的地是”上野動物園”
難得是４月份來到東京，當然要順道賞埋櫻花啦～ 恩賜公園既櫻花好靚呀!!!
早餐就簡簡單單食個烏東就出發～
平日既恩賜公園都人頭湧湧，好多人都一大班人係度飲酒食壽司，
我都想過ｄ咁悠閒既生活呀！！羨慕呀！！
點解連水渠蓋都咁靚既？？
香港政府幾時先有呢ｄ文化氣質呢？？唔好一味起商廈同酒店啦！
呢檔既燒魚好香呀，可惜我因細寶既關係，暫時對魚類都好抗拒．．．
如果唔係一定食番條試吓～
不知是日本婆婆好人亦或大寶可愛，竟然有人主動請我地食甜番薯～ 正！！！
掃完日本美食就到動物園啦～
一入到去就見到呢堆咁可愛既ｂｂ車，大寶即時愛上，私家車都忘記了．．
不得不讚日本人既細心，每到百貨公司及公園都好照顧小朋友，
日本真係好適合小朋友去既國家～
大寶真係真係好愛呢o架車仔，連休息都要坐住睇日落，
黃昏下既櫻花＋大寶，是一張我好喜愛既相片～
鐵人１號終於都倦到醉倒街頭啦～ 佢話要瞓一陣喎．．
日本既櫻花&紅葉一樣咁靚, 好想再去呀
回覆刪除[版主回覆04/16/2008 13:38:00]日本既櫻花真係好靚, 我都好開心今次可以睇到, 不過紅葉就未睇過, 下次都夾吓時間去睇一次先得, 不過可能要2,3年後...
到時4人行
好攪笑 趴左向地
回覆刪除[版主回覆04/16/2008 13:39:00]佢係瞓咗係張長椅度, 佢話好舒服想瞓一陣, 比佢笑死
鐵人1號的睡姿真搞笑!
回覆刪除我地原本都想4月去睇櫻花, 不過後期將大假改為6月用來搬屋 ... 而加plan緊9月... 到時向你取經!
[版主回覆04/16/2008 13:40:00]9月去都好呀~ 又唔熱又唔冷,
我都係第一次帶大寶去旅行, 大家交流吓呀~