話說昨晚我同大寶去百佳買野，咁我咩住個大袋，兩手又拿住２個大袋，
平常既我都會用咩帶咩大寶回家，但我想你都快２歲了，不如試吓自己行返屋啦
就係咁，一路行住商場回家，都相安無事，因為有野睇．．
但到了商場外就開始發作了，
大寶：媽咪，媽咪，抱呀！！
我：大寶呀，媽咪無手呀，我要拿住２個大袋呀，不如你慢慢行，返到屋企我即刻抱你呀？
大寶：．．．．好．．
行吓行吓，不到５步，
大寶：媽咪，媽咪，抱呀！抱呀！！
我：大寶，你唔記得媽咪無手咩，我應承咗你返到屋企抱呀ｍａ！！
大寶：記得．．．好啦．．．
行吓行吓，轉頭又抱住我對腳問我：抱一陣呀？？
我又用相同既說話同佢講，如此類推咁對答了５，６次就回到家啦～
我心相，大寶你真係大個仔了，比著早２個月既你，一定死纏唔放，一定要我抱回家，
不知是不是我近來不斷同佢講，”你做大哥哥啦，可以自己來既就自己做，媽咪知大寶得既！！” 大寶，你係唔係真係明白呢？？
除了以上既事之外，大寶近來都有小小進步，就好似睇ｔｖ咁，平日佢好喜愛睇ｍｏ仔（Finding Nemo) 試過１日睇４，５次，一息ｔｖ就發脾４，一定要我地就佢，當時睇到我想ｃ．．
但現在我同佢講已睇了１次啦，每日１次就夠啦，佢會用好不捨既聲音答我”好啦．．”但又唔強求，肯同我妥協啦～
同埋最最最開心既係，佢在食飯方面都有小小進步，但我唔敢講咁多，怕佢小氣呀．．．
希望２歲兼做大哥哥既你，每日小進步，健康去成長～
你好呀！尼排流感高峰期，要小心BB 身體呀！我穩左D 天然民間療法。比你睇下！ ~ 第 3 篇 - 治療流感的民間療法 - 小朋友都岩用 ~
回覆刪除[版主回覆03/17/2008 10:04:00]多謝你既介紹呀, 我會小心!! 得閒就來坐吓呀~
睇到呢個成長, 真係好令人感動!
回覆刪除大寶講野都好o力ㄚ!
[版主回覆03/17/2008 10:07:00]佢係講野叻咋, 其他方面都唔多ok,
真喺好叻你喎, 大個仔, 果然唔同, 等我都教下我仔先得....
回覆刪除[版主回覆03/22/2008 11:29:00]圖圖豬咁乖仔, 教一教就ok啦, 以後去街自己行, 我地舒服哂~
大寶好叻仔, 真係好懂事.
回覆刪除亞女就無咁乖啦, 如果扭抱唔會咁順攤:(
[版主回覆03/22/2008 11:25:00]哈哈, 睇唔出蕎蕎都會扭抱, 見佢平時都好肯自己行呀~
wow~~好乖仔呀>v< 我仔仲係喪扭個隻 v_v唉................
回覆刪除[版主回覆03/22/2008 11:22:00]袁小b仲細呀 ma , 唔好迫佢啦, 你呢個心急媽咪
哈哈~
回覆刪除遲D大寶會同媽媽講: 『媽媽, 我幫你手拎袋袋吖~』
我姨甥女依家會主動話幫我拎野.^^
[版主回覆03/22/2008 11:21:00]你姨甥女咁乖呀, 幾大啦, 我都希望大寶可以快d幫到我手, haha
其實我都唔心急了...只係我開始越來越無耐性 v_v 好想打佢1鑊甘~：p 好麻煩呀><!!!!!
回覆刪除[版主回覆03/26/2008 16:38:00]就你因為我地以為佢地開始大, 我地既耐性就開始減少,
其實佢地都係歲幾既小人仔, 都係以自己為中心,
千萬千萬記住我地對佢地既耐性同耐心係直到永遠o架
大寶果然係大個仔喎! 扺讚!
回覆刪除大哥哥? 大寶媽乜你.... 係真既就真係恭喜晒啦!
[版主回覆03/26/2008 16:38:00]多謝呀
幾時先輪到臭臭都好似大寶咁生性呢
回覆刪除[版主回覆03/26/2008 16:39:00]大寶都係間歇性生性啦
你岩~ 只係我自己個人意願唔想成日當個仔好細 ~~唔想乜都"因為佢好細所以唔識"~~ 我唔希望自己做縱容小朋友既媽媽，e+我已經覺得自己對仔都算太過protactive了 @@ 當然，我依然係勁愛我個仔 只係某d時候，我唔知邊d情況應該就佢邊d時候要嚴厲1點@@""" ** p.s. 你!!!!!!!!!!!!!!!!!!!!!!!><!!!!!!!!!!!!............................... 我已經知道了!!!!!!!!!!!!!>v<!!!!!!!!!!!!!!!!!!!!!!!!!!!!!!!!!!!!!!!!!!!!!0卡0卡0卡~ 另外，欣苗有無CALL你？@@我無收到電話既：(~~~~~
回覆刪除