今日去了第一次既產前檢查，聽到細寶既心跳啦，安落哂～
但希望日嘔夜嘔既日子快快渡過......
每日餵大寶食飯既時候, 一聞到d飯送味就想即刻衝出街....
希望大寶你明白呀四並唔係想唔理你, 只是肚餓又食唔落既知味不好受呀!!!
可惜在肚餓時, 呀四最最最最想食既食物全是禁品...辣麵~ 雪糕~ 凍飲~ 薯片~
我知, 我知, 全是無益... 但我連最愛既生果都唔想食, 唯獨就想食禁品..
我真是太唔生性啦~ 希望細寶你比一次機會我, 食完就無下次, ok??
不知大寶是trouble 2 or 因為有了細寶既關係...
開始曳曳了, 在我最倦最想瞓在床上時就要我抱, 要我陪玩....
可憐我有時候真的有心無力.... 但見到佢個樣百般委屈, 又點忍心拒絕呢!!!
大寶呀, 大寶!! 請你原諒呀四呀!!!
大寶呀，大寶，
每日抱你在懷食奶既日子快要講ｂｙｅ ｂｙｅ了，
在這半個月裡，我自知已．．．．
但你依然在瞓前同起身大叫要奶奶呀！！後期已轉為大叫〔維他奶呀！〕
每當我問你”仲有咩？？”
你都會甜笑，點頭，加大叫”有呀！”
但食唔夠兩分鐘你就走人了，轉頭就瞓在床仔上叫我唱歌，講故事，
跟住就捉住我隻手話”南住，南住，大覺瞓啦”
我好開心，因為我知道你真係真係好愛食奶奶，但都接受無得食既轉變，
來緊既日子我都會盡力去滿足你，當有日你真的說不要啦，我都會接受，
需知是我不捨多於你，但呢２年來我過得好充實呀，
由咩都唔識既我，面對一日餵１２，３次，如事者就過了幾個星期，當時真係好想放棄呀！！
再因２，３次既乳線炎，令產量一跌再跌，當時又是好想放棄呀～
但當你生病時，只有媽媽奶可以令你安心，令你熟睡，
我又重拾信心再堅持下去了，話咁快就２年啦～
多謝你同我通力合作，無嫌棄我呢位窮媽媽，
你既堅持（不要奶粉，不要鮮奶）令我做了２年既奶媽，承諾完成了，
日後都要齊心合力去面對前路呀，漫漫長路等緊我地呀！！
今日參加了網上既”大自然２歲生日會”，地點是大埔既小白露餐廳，
呢度環境確實不錯，有小動物山羊，又有彈床，不過就ｆｏｒ４－５歲既小朋友，自己來玩都幾ｏｋ既，不過就細咗ｄ，
至於個生日會，除了無得食之外都幾好既．．
有姐姐教整麵包同沙畫，整麵包都仲可以齊齊參加，因為可以攪攪震玩蛋槳同其他材料，但沙畫就對２歲既小朋友是個耐性大挑戰．．（對我都係
大寶由初初唔夠膽餵山羊變到不停叫
”羊羊，食草呀！！羊羊，食草呀！！
ｄ羊都怕咗佢，走哂．．．
我同大寶合作整麵包既過程，
ｄ材料全部都係大寶落既，一大堆！！
未烤之前個樣都仲ｏｋ既，點知烤完之後ｄ提子乾爆哂．．
即時唔見得人啦．．．
呢個沙畫簡直是挑戰我地父母既耐性，
佢地一味倒ｄ沙出來，之後就不停用手釁，理都唔理．．
幾經辛苦終於都完成了，命都短幾年呀．．．
好靚呀！！好靚呀！！
今年既花展主角是我喜愛既太陽花，向日葵～
立即同大寶去賞花，ｇｏｇｏｇｏ！！
不得不介紹ｂａｂａ當天既小傑作
如果唔介紹既話恐怕下次佢唔會咁落力幫我做影相佬．．．
好難得大寶才肯坐定定比我地影幾張相，全程都好似捉雞咁捉佢，辛苦ｃ
在花展內有個開心樂園既地方，大寶係度玩到傻，玩到癲呀，
因為有佢喜愛既南爪同茄子，全部都係真野，幾驚佢會死揸唔放手
中途有個淋花既叔叔，比小朋友嘗試玩吓淋花，即該排隊去試吓先～
大寶一直睇之前既哥哥姐姐示範，到佢時竟然唔駛我幫手都做得幾ｏｋ
花展內竟然又有有機蔬果賣，咁啱得咁橋又係士多啤梨，即買即食好知味
場內有個４歲以下玩既跳彈床，大寶玩得好開心呢
