跌落床↘=.=

　

    昨晚，我們如常咁訓覺，

　半夜時，突然聽到大寶係度大叫媽咪．．．．

　我即刻扎醒，

　嘩！！！！！整咩你又係地下呀？？？

　好彩既係佢掛住訓，我一抱起就訓返啦，都無咩大叫大喊，

　好啦，到早上起身時，我走了去洗面，跟手個鬧鐘寶就起身了，

　自己坐起身同我同姐姐講早晨，

　之後無啦啦就講”姐姐，跌落床呀！”

　我即刻問佢咩事呀？大寶就講”ｂａｂａ，跌落床呀！”

　我咪更正佢話，係咪”大寶跌跌，跌落床呀？”

　佢就係度傻笑，話”媽咪跌，媽咪跌”

　近來佢都鍾意將自己既事當係我地既事，

　好似佢有時放臭屁屁時，我話”呵呵，大寶臭屁仔”

　佢即時就會奸笑回敬我”媽咪臭，媽咪臭”，

　見佢識得同我玩，即刻放心ｄ，

　都唔知係佢懶訓定我地懶訓，大家都一訓就昏迷不醒．．．