凍到騰騰震~8度食乳酪

得８度咋，８度！！凍到傻呀～

好耐都無試過呢d天氣，

傻豬寶仲要係咁凍既天氣下食凍凍乳酪，

唔怕凍都怕肚仔痛啦，

但又食得好知味喎，

由你啦，花面豬！！

 

﹡花開富貴﹡

 

學堂教既另一小勞作～　｛貼貼桃花｝

今次我真係自己一手一腳做o架，塗槳糊同所有花花都無叫呀四幫手，

佢只是提示我點樣塗同將花花貼在樹枝上，

就係咁，我首次個人既作品完成了～

 

近來屋企大堂及周圍都放滿桔同花花，不禁令我對呢樣生果產生好感

某日，我如常咁去到大堂，突然有位小姐姐將手上既桔放在枱上，

我２話不說就去拿上手，哈哈～　我日望夜望就係想要一個，

ｅ＋得手了，就點都唔會放手o架啦，點知．．．我肉緊得滯，握爛咗！！

即時喊住搵呀四想拿多一個比我啦，

但呀四話唔可以隨便摘o架，要等ｄ桔桔熟啦，自然跌落來既先可以要，

就係咁，每日我經過大堂時，就會指住我想既o個粒桔問”桔桔，熟未呀？？”

如果知道唔熟，就望吓個花盆問”桔桔，跌咗未呀？？”

日日如是，好似監察人員咁視察吓盆桔，有無熟，有無跌咗桔，

好彩，呀四有盆景品桔解決了我呢個望穿秋水既期盼，哈哈～

 

♀曳ｂ聚會～生日ｐａｒｔｙ♂

 

　話咁快就到０８年第一次曳ｂ聚會了，

　為了慶祝我地快將踏入２歲，今次既主題就是”生日ｐａｒｔｙ”

　記得上年我還是一舊飯咁任人舞，任人帶我切蛋糕，完全唔知發生咩事？？

　咁就過了我既１歲生日，似乎是呀四同ｂａＢＡ開心都過我～

　但今年唔同哂啦，我能跟住唱小小生日歌啦～

　”吃　Ｂ　ｂｉｒｄ　地　ｔｏ　ｕ”咁唱到一句．．．

　唱完仲識拍手呀～　

　而切蛋糕就更是ｅａｓｙ　ｊｏｂ啦，

　我日日都不停切薑，不停切蒜頭，一ｄ難度都無呀～　

 

　貼貼小勞作是｛同朋友仔分享蛋糕｝

　我對呢類小勞作日漸感興趣了，

　特別是槳糊筆，真係愛不惜手，玩到唔停得手，

　　　　

　

　話明是生日會，當然要品嚐吓個美味蛋糕啦，

　有我近期至愛既士多啤梨呀～　　　

　　　　

　　　

　今日既我特別開胃，除了食蛋糕之外，

　對其他蛋糕仔都十分之感興趣，食完一個又一個，

　唔知呢股衝勁會唔會延續到去食飯仔度呢？？

玩又食！行又食！坐又食！

∮呀四後話∮

人人都話２歲就是”trouble２”但在蒙特梭利中又稱呼為” wonderful２”

不知你會是邊類呢？我熱切期待你既成長～

 

↗教壞細路～雀聖↖

難得我地聚埋一齊開枱耍樂，

正所謂塘水滾塘魚，置在娛樂吹水，

就破介比傻豬寶來玩吓啦～

衰人舅父今次做示範教傻豬寶如何出牌同認牌，

估唔到個傻豬又跟足指示，無亂推亂打攪亂檔，

我想佢真係幾有興趣喎！

不過都係玩一次半次好啦，爛玩呀四都係要收手，

唔好比傻豬寶見到真實既我，

如果唔係，日後就無威嚴啦～　哈哈～

 

真係咁鍾意食??

　有時候，我見到舅父食緊我愛食既生果時，

　首先會望住佢，之後就叫”要呀！要呀！”

　如果都得唔到呢，就會蠻不講理咁搶來食或發脾４，

　呵呵～　我睇吓你地投降先定我口硬先～　

 

　嘻嘻，ｂａＢＡ就最易受我既牽制，

　而ｐｏＰＯ就咩都就哂我既～

　但呢招通常都對付唔到呀四同舅父．．．

 

　今日，我終於又有新招，就係典在梳化上死纏爛打，

　為既就係食多一個柑！！

　真係有柑有我，無柑無我呀～

　但．．．最後都係敗在舅父手上，

　發脾４失敗．．只有乖乖回家．

冬運會

近日寒流回歸，真係冷得呀四騰騰震呀

呆在家中只會變雪條，不得不帶傻豬寶去運動一番，熱一熱！！

相信冬天只是屬於大人的，睇下傻豬寶一ｄ寒意都無，

不停跑，不停跳，不停玩，

經過一輪郁動之後已經成身大汗，要急急腳去ｐｏｐｏ屋企換衫了！

　　

 

晚上同小ｂ女去波波池玩，好開心，

因為是晚飯時候，人影都無隻，所以我地好似包場咁，

玩得好開心呀～

 

彈弓人

２２個月大既傻豬寶，終於都識在地上彈彈跳了，

　幾經在學堂上練習，今天學有所成，在屋企無聊表演～

不過掛住拿住把刀，一路跳又一路講野，

最後險些做了彈弓飛人，飛了去垃圾桶．．．

同時都對鏡頭敏感了，每當我說要影你呀，

立即會報以招牌式傻瓜笑容望向我，哈哈～

實在太窩心了，

所有頑皮野都被這一笑而取締了，

真的，呀四陪你成長，一點都不累～

 

寫揮春

快到新年了，學堂今日教寫揮春～

傻豬寶一拿起支筆就叫我畫魚魚，一ｄ都無意同我合作寫揮春，

好啦，好啦，我畫啦～

咁我畫魚魚，傻豬寶畫海浪啦，好似同新年唔拉更喎？？

算啦，就當係”年年有魚”啦！！

 

 

令人眼冤既父子

 

▽◇▽◇▽◇▽◇▽

　晚上，臨訓了，都仲要食個生果才可安心訓覺既曳人，

　生果殺手果然不是浪得虛名．．

　同埸加影既ｂａＢａ都十分之令人想打巴佢，

　明知唔可以睇電視都仲要齊齊ｈｅａ住一路食一路睇．．

　真係要十大浩刑侍候！！

▽◇▽◇▽◇▽◇▽

 

▽◇▽◇▽◇▽◇▽

小甜品

 

　難得有得拍拖去睇戲，心情都特別輕鬆～

　本想在睇戲前衝忙食個快餐就算，

　但此乃高尚貴格商場．．　又點會有平民快餐呢．．

　急急腳咁行了一會，發覺真係無咩即時飽肚既食物，

　無計，唯有睇完先再食，

　點知在回去時見到一間甜品店，廚窗既公仔吸引了我，

　立即入去買件ＣＡＫＥ食吓先，幾得意，上面既芒果蓉好似雪榚，

　配襯蛋糕一齊食又幾特別，值得推介～

　　　　　　～PETITS～

 

◆傳奇女王伊利沙伯-黃金盛世◆

 

～～～～～＊＊＊～～～～～＊＊＊～～～～～＊＊＊～～～～～

　期待已久既”傳奇女王伊利沙伯－黃金盛世”上映啦～

　難得今日有時間，即刻訂飛去了睇戲，

　圓方既戲院〔The Grand Cinema〕好正呀，坐位又闊又舒服，ｄ音響仲好勁，

　ｃ６本著去訓既心情來陪我睇戲，都被強勁既音響震到完全清醒，

　好彩選呢間啫～　嘻嘻～

　～～～～～＊＊＊～～～～～＊＊＊～～～～～＊＊＊～～～～～

　　

　　

導演：	錫哈加培
演員：	姬蒂白蘭芝、基夫奧雲、謝菲路殊

上映日期： 2008年1月17日

故事簡介： 時為 1585 年，女王伊利沙白一世(姬蒂白蘭芝飾)雖已統治英國近三十個年頭，但其皇位仍被虎視眈眈，更受家族中人的背叛威脅，謀朝篡位之心昭然若揭。另一邊廂，彼岸奉行天主教原教旨主義的西班牙，其傀儡皇帝菲利浦二世成功取得教會支持，並掌握宗教法庭，正準備以強大的軍隊和航海艦隊向女王和英國宣戰，決心要把新教徒「異端者」伊利沙白從王位拉下來，恢復英國是天主教教會的榮耀。

對外戰事一觸即發，女王的內心同時也在交戰：設法控制及隱藏自己對華特雷利(基夫奧雲飾)的愛意。伊利沙白一世深明人民對自己的期望，也不能否認身為女王必須效忠、以致奉獻整個身體和靈魂予國家。即使多麼不情不願，她仍努力把這份被禁止的愛沉澱，同時鼓勵心腹侍從貝絲接近雷利，繼續不著痕跡地親近雷利。

然而，不久她便察覺這是一個愚昧的決定。雷利和貝絲日久生情，他倆的親暱行為教伊利沙白一世妒火中燒！愛情和權力的恆久角力 ── 甘作平凡但被愛的尋常女子？還是萬人之上的孤高女王？女王伊利沙白一世再次被迫在兩者之間作出痛苦抉擇。

～～～～～＊＊＊～～～～～＊＊＊～～～～～＊＊＊～～～～～

　睇完之後，我更喜愛女主角”姬蒂白蘭芝”

　她既戲真係好到不得了，

　由第一集既時間我已覺得她既內心戲真係代入咗個角色度，

　今次更是個人表演，需知道自己同自己比較是壓力多重，

　今次比上一次更能表達到個種為勢所迫，內心掙扎而又要表現堅強，

　如果轉了另一位演員做，我想相比之下一定失色不少，

　唯一美中不足是要她演一位５０多歲既女性，總是聯想不到．．

　不過我都期待她會再拍第３集呢，

～～～～～＊＊＊～～～～～＊＊＊～～～～～＊＊＊～～～～～