狗狗公園

 

終於都去到啦～

講了多個星期，今日９月８日終於都去咗灣仔狗公園啦！

早幾次都因星期天落雨而取消，今日見天朗天清就一於起行去玩一轉，唔好等啦，ｌｅｔ　ｇｏ～

由於汪汪奀唔坐得交通工具，所以我地就ｂｏｏｋ了ｖａｎ仔過海，我們大家滿心歡喜咁上車，點知就決定錯誤．．．．行紅隧過海，嘩！！塞車！！！由油痳地塞到紅隧口都用咗９個字，真係人都顛！！

到我地落車既時候都已經無咗半條命，真係唔明，香港明明有３條過海隧道，但就只有紅隧無時無刻都咁多車，而西隧就永遠都無車，只好怪政府政策不當，兩條隧道收費可以相差一培，不過政府又怎會明白我們小市民既苦況，為有每天如事，迫車，迫人．．

講回我們既行程，落車之後，大寶ｂ同汪汪奀見到草地同海已經失控，汪汪奀已經在草地狂奔加轆來轆去，大寶ｂ就去爬欄杆想跳海，轉個頭佢地又走了去追其他小狗了，追到我們氣咳．．

好久沒有和奀豬奔跑了，個感覺好舒服，好開心，如果住在附近就可以天天同大寶ｂ一齊散步，雖然青衣海旁都可以，但就只可以人行而唔可以同狗狗一齊，我覺得就是浪費了，只要好好管束大家狗隻，人同狗係可以快樂相處，唔需要互相敵對，讓一步，海闊天空！

今天狗公園原來有個節目為　”９月９日狗狗日”，請了幾位嘉賓來分享養狗心得同各位狗主互相文流，余若微都有來做嘉賓,  而其中一位嘉賓提到，主人與寵物要清楚明白自己位置，不要任由寵物上主人床睡覺，主人食飯時不可以你一啖我一啖，要有規矩，我好認同佢既講法，亦都覺得對待小朋友時都應該如此，不要過份寵愛，壞習慣就是我們寵出來的，不是照顧起屋飲食就是好主人，還要管教呀！

狗狗不要胡亂吠叫，大小便後既清潔一定要做足，如果唔係人們會討厭我們這些狗主啊，做主人並唔單止停一停，諗一諗咁簡單．嘻嘻，有ｄ離題添，

講回大寶ｂ同汪汪奀真係幾合拍，兩個都膽細細，但八卦，大寶見到咁多狗仔想伸手撫摸，但狗仔嗅一嗅佢小手時又縮都縮唔切，無用豬～話咁快我地就玩咗２個鐘了，係時候回家了，今次我們決定行西隧了，唔再受塞車之苦啦！！

最後希望大家真心對待寵物，不要因生老病死而輕言放棄她們，

尊重生命，尊重自己．