訓覺豬．．自己來！

　　話咁快，大寶豬已經１７個月大啦，

　　一直都要媽咪”愛”你覺豬仔既你，突然．．．由一食完奶奶就轉身走人，

　　不再緊緊的抱住我要求我氹你訓了，傻傻既我重一味抱你，氹你，唱歌，講

　　故事，但你就不停中個頭去枕頭度．．唔理我，

　　直到我發脾四話：你自己訓啦！

　　你好像甩難咁抱住枕頭傻笑，

　　但你都唔係即刻就可以入睡．．．玩呀玩呀！轆呀轆呀！叫媽媽呀！叫ｂａ

　　ｂａ呀！汪汪呀！好像要將所有你識既都講一次才漸漸靜下來，都要１個鐘　

　　呀！！！

　　媽咪都已ｃ咁半啦～而ｂａｂａ直頭訓到ｃ咗，無反應了．．

　　但我又有小小失落，原來你不斷成長，就會對我少了依賴．．．

　　還記得早兩個月前我常常埋怨，還要餵夜奶到何時呀？？？無聲無色地你

　　就自己介了．．

　　正如你對其他食物大了興趣，而對奶奶就．．得閒就食啦既感覺，係開心

　　事，但又．．依依不捨，

　　因此現在你愛我抱，所以我抱．．

　　你愛聽我聲音，所以我對你說．．

　　　不知你長大後會說我煩嗎？？