2018 年 4 月 7 日, 星期六, 大風
長長的復活節假期, 無所事事又是行山好日子了~
今天原定想來個短程行的, 由荃灣去石龍拱,
點知在荃灣時大寶問我去那裡呀??
我說行 3 個鐘的短程呀~
他竟主動說不如去大帽山啦~
仔~~~ 估你唔到呀, 我說去得大帽山就不如去埋鉛礦坳啦,
去睇大石頭啦~~~~
他再次讚成~~ 我好開心呀 !!!!
立即去買水買零食, 出發啦~~~
**
由荃灣大河道上車 >> 51 號巴士 >>到郊野公園
不用15分鐘, 好快呢~~
由大帽山郊野公園遊客中心出發 >> 鉛礦坳
是反方向的麥理浩徑第八段
反方向行有一個大好處, 由遊客中心上無咁多上斜石級路, 只行斜路,
落石級點都比上石級容易呀~
交通方便, 荃灣到遊客中心有 51 巴士到, 而到到鉛礦坳後可行到大埔走,
比由菠蘿壩自然教育徑到鉛礦坳營地要2小時左右,
亦可由大埔墟坐小巴 23K 到新屋家, 再上斜路到元墩下, 由衛奕信徑上鉛礦坳, 都是2小時左右,
{{ 麥理浩徑第八段 }}
今天天氣是超大風, 不熱, 十分適合行山~~
山上好多紅葉, 又有花開~ 行得特別起勁呀 !!!
身後就是上次大帽到咩都睇唔到的山火瞭望台~
今次是 3 人行, 所以不斷走捷徑而上,
比平時快了呢, 可以達到指示牌的時間了,
倆位今天的 POST 真的好有個性~~~
左方向可睇到獅子山, 右方向睇到青衣,
**
由遊客中心到山頂, 起步是 1 點鐘, 只用了 1小時30分~
立即就下山了~~
睇住錦田和八鄉的景色, 真的好舒暢,
而來到鉛礦坳, 就是不停睇大大石頭,
比 D 想像力, 好多石都可以作一個故事呢~~~
呢個是 [ 糭 ] 或是 [ 三角飯團 ]
中間呢個是 [ 魚頭 ]
除了石頭外, 細寶說後面山上的是 [ 西蘭花 ]
**
半小時的落斜路, 就由氣象塔到鉛礦坳的涼亭啦,
食個午飯飯團又再出發啦~~
呢度有曾經種植過的歷史行跡
細寶今天的紅外套, 加上呢度好多石頭都有隙縫,
所以他今天是 [ 蕃茄 ]
大石蕃茄三文治是也 !!!!
又見一個 [ 糭 ]
呢度的石頭不比禾秧山失色的~ 一樣都好大大大呀~~~
落山路真的是跳住落呀~~
而且睇住城門水塘和日落, 好開心又一天啦~~
轉下眼就行到營地了, 17點就完成了~~
行了 4 個鐘呀~~~
點知見到指示牌才醒起... 還在山中.....
要再次行多一段路才到荃灣或大埔,
所以就選了 3 公里路程的大埔方向啦~~
我們用了一個小時才到大埔的元墩下......
喜歡舊物的細寶, 行往大埔方向時, 一路都見一D石柱,
我拋書包時間又到了~ 一百年前曾懷疑有鉛礦, 曾經有開採過,
而呢D石柱就是運輸時的建築啦~
**
所以說........ 今天是行了 5 小時,
地圖上講就是 9 公里 + 3 公里,
但感覺就是行了好多好多公里呀~
不過是值得的~ 呢度好值得來睇石頭和風景呀~~~
不過是值得的~ 呢度好值得來睇石頭和風景呀~~~
