2018年 10月28日, 星期日, 熱~ 有風~ 無雲~
**
由於在10月21日那天, 原定是我和細寶去行山的,
但大寶見我嬲他不陪我就又再次答應我一齊出發~
點知, 千辛萬苦來到靈隱寺的引水道上, 行了不夠 10 分鐘....
大寶就用千萬個借口說不行了......
我本想硬心腸堅持, 但他又說頭暈, 熱到喊,
我唔想上頭版新聞就只好放棄了......
**
但.... 我回家心有不甘一星期.....
終於又再次堅持要他找數, 不要多多借口,
今次我買足飲品, 帶哂帽, 衫, 毛巾, 手套, 我睇你仲有咩講 !!!
所以就出發啦~~~
獅山 322米 >> 象山 449米 >> 大澳
**
在靈隱寺下車, 見靈隱息肩亭, 在旁有引水道直上,
見到一個山路仔入口, 有絲帶引路就是了~
呢個頭段山路都好急, 快步 45分鐘必到 [ 狗仔石 ]
一定要穿長衫長褲, 因為樹林好窄又多雜草, 樹枝又多, 好易受傷,
**
穿過 [ 狗仔石 ] 由上回望才似的~
而他真身是 2 個大石呀~ 我們無爬上去影相, 其實是好大好大的~
** 在狗仔石附近有一個迷你版的 [ 望夫石 ]
和一個側面的 [ 猩猩石 ] 都好似的~
在呢個位置可以睇到大澳~
風景好靚~
唔想再行就可以走原路坐車回家啦~~
但我們就是要上埋象山呀~
**
中間有半小時的山路休息, 慢慢享受清風和溫暖太陽~
但急上象山就幾倦.....
但都是15分鐘左右, 好快就到頂啦~
來到449米的象山了~
呢度睇大澳和機場都好舒服~
**
不本我們 1 點才上山以為無人,
剛巧有一哥哥姐姐在我們前面,
2寶不停追住他們傾計,
亦都幸運地有他們帶我們下山,
因為下山時有路唔清楚,
只有一個指示,
但中途的路徑真的好多支路,
我手機又收不到信號,
心內慌得很呢........
**
一路下山的路好舒服, 睇住日落來行,
而最段的一段路都有一個名石 [ 海狗石 ]
但我覺得他似老虎多一些~~
總結 :
今日準備是不足的..
水不夠, 路徑未睇熟,
所以下次要再做好功課~
幸運是有人帶一帶,
但不是次次都咁好彩的, 要小心,
