2016 年の雪花飛揚北海道 Hokkaido 7 日遊。Day 6 。1 登別瀧乃家溫泉旅館,滝乃家

2016年 2 月 13日, 年初六, 星期六, 雨天陰天,

*

早早起身準備出發到登別溫泉區~
當然要食埋個豐富早餐加坐免費的士到JR札幌啦~





為免買不了車飛, 所以 10 點就來買定車飛, 
我們是坐 11 : 30 的班次~
10 號月台~ 道南巴士,
某 D 班次會由中央巴士行駛, 要睇時間, 留心上車位置呀 !!

雖然 JR 都可以到登別, 但巴士便宜 D 又方便 D, 
因為抬行李都好辛苦呢~ 
 2 寶大個仔了, 倆個小喼仔全程他們自己又拖又拿~ 
我輕鬆了~~~

由於是周未, 加上巴士是到室蘭, 登別只是中途站, 
所以 FULL 人 !!!
準時 2 個鐘到就到登別, 司機每到一個站都會提大家的, 
但到時到候都是自己留心 D 落車呀~

 ** 高速白鳥號 **





再見電視塔~~~~

*

睇天氣得知今日雨天, 心情又直落谷低....
我要行地獄谷呢.....





天氣報告真的好準呢.... 登別真的是雨天呀......
無奈地由巴士轉的士之時, 

前面出現一間玩具店, 三仔爺立即入去視察一番 !!!!



內裡真在太多精品玩具了, 又車又超合金又懷舊玩具, 
點會唔失手留下銀兩 !!

正當三仔爺睇到忘我之時, 
店主爺爺好好人, 問人住那間旅館, 我說滝乃家後, 
他連聲讚好~ GOOD ~
又問人我是自駕亦或是坐車, 我說坐的士,
他二話不說就講車我們到旅館 !!!
多好人呀~~

真心覺得日本人對遊客真係好的, 
只要你是真心幫襯不是攪攪震無幫襯, 待客之道真係超水準 !!!!





 ** 古趣北乃博物館 **

玩具店門上有介紹附近的玩具博物館, 

大家有興趣可以去參觀 !!

*

多得店主爺爺車我們, 
好快就到旅館啦~

而旅館 D 人都在此時段出來迎客, 
加分加分~~





*
大堂是舒服的內園景, 
我喜愛日式旅館就是呢種寧靜感~







他們先安排了我們在偏廳休息~
景觀唔錯, 如有得出去行下會更好~









坐了一陣, 就先來個茶點~
新鮮泡綠茶加紅豆糕, 正好甜中帶清香~





*

我們住最普通的和式客房, 無溫泉水的~
但選得滝乃家就當然去大浴場啦~
有 4 種不同泉水, 要享用哂才不化算呀~~ 哈哈 !!
[ 泉質： 硫黄泉 食塩泉 鐵泉 鐳泉 ]





倆位人仔在享用茶點時, 醫肚都要睇美景~
不怕凍真係細路的本錢 !!!!


房內的所有物品我們都有用, 除了浴室~







*

睇完房間, 當然要參觀一下四周~
全旅館的裝飾都是和風~ 

*

大浴場只有一個戶外 " 地綠之湯 "

今次無飄雪, 轉為落雨, 別有一番味道~

大寶在日本浸完溫泉水, 濕疹是有緩和好轉的, 
所以我每次到日本旅行都盡量安排有住溫泉旅館都係為了他...
濕疹真的好困擾呀......

滝乃家還有個特色溫泉設在 5 樓~
半開放式的 " 雲井之湯 "

旅館好大, 基本上無點碰見其他住客, 

只在晚飯時在食是處見過,

有錢真的好想住多幾晚呀!!!

 ** 登別滝乃家 **

 ** 登別觀光協會 **

2016 年の雪花飛揚北海道 Hokkaido 7 日遊。Day 5 。3 小樽雪燈祭, 小樽雪あかりの路, (手宮線會場)

2016年2月12日, 星期五, 年初五, 晴天~

*

行完運河區的雪燈, 還有一個 [ 手宮線會場 ]

呢度比運河區少人和都有有特色, 慢慢行同影相可以行一個鐘架~

不過今日天氣真係回升了, D雪明顯地溶溶地.....

*

有近期好愛歡迎的妖怪手錶 !!!

影到咁上下就要去食晚飯了~

隨便選了一間串燒居酒屋...

不知是不是空調不好, 內裡空氣好局促...

又有異味, 令到我們無哂胃口, 

睇來下次都係幫襯無和式坐位的食位店好D,

大量人們脫鞋後的味道一D都唔好受.....

** 小樽雪燈祭 ** 小樽雪あかりの路