行山 @ 大棠楓香林 TaiTong SweetGumWoods

2015 年 12 月 27 日, 星期日, 天陰有雨......

**

來到2015年最後的一個星期日, 本想挑戰香港最高之山, 

但天有不測之風雲.......今日是雨天, 不怡上高山呢~

又有可能是個天知我們未準備好, 再下年啦~~

無所事事就睇下有咩地方去行下 八下,

一於襯墟去大棠賞紅葉啦~~

**

今年地鐵做了個聖誕優惠, 

在12月25, 26, 27 , 三日都有長者和小童 $ 1 乘車優惠, 成人半價呀!!

SO GOOD!!!

交通方法參考 >>> 元朗網站 <<<

**

來到大欖郊野公園, 空氣好清新, 

呢度的燒烤場都好完備, 仲有好多我喜歡的大榕樹~

有機會會預備充足D, 來一個賞紅葉BBQ活動都唔錯~

**

唔係講笑, 和上次大東山一樣, 近年真係周圍都有人滿之感.....

今日天氣唔多好都咁多人, 好天的情況下真係似清明呀~~

同時間, 發覺好多印尼工人都三五成群來玩,

真係幾遠都見過, 東平州都見過......

沿著人潮不停的行下睇下都來到 " 楓香林 " ,

紅葉不多了, 可能是今年水尾了, 

好難才能找一倆棵多葉 D 來影相~

**

人人來到都會在地上拾一D葉做記念, 

倆位曳人都加入行列, 

尋寶大行動開始~~~

玩到不知時日過的我們, 

多得一場大雨驅趕我們早早落山, 

因無準備的我們就連雨傘都無帶, 

好彩 D 衫夠厚, 急步落山都未有變成落湯雞,

但在5時都仲有人行上山影相, 就真的太睇少太陽落山的速度了~

果然, 一回到車站, 天已黑了, 當時只是 6時, 

加上落雨, 無燈的情況下, 

希望大家去行山時多些留心, 眼見好多BB車上山都心有不安,

小朋友是要早上玩的, 不要太晚進山和郊遊啦~~

**

行山 @ 佰公坳 - 大東山 Sunset Peat

2015年 11月8日, 星期日, 熱~~~~~~

***

上年未能完成的大東山芒草行, 今年終於都完成了 !!!!

正好是考試後的周日, 不用理功課測驗, 可以慢行一整日,

上次只完成了四分之一, 仲用了 2 小時添......

今次我們做足準備, 早早起身食飽飽就出發,

近年香港行山大熱景點大東山, 又怎會少人呢 ??

只在巴士站等車都用了 20 分鐘了, 排到第 3 架車才上到 3M , 

好彩有分段收費, 所以 15 鐘的車程都不算太貴~ $10.8,

先來到此一遊相, 倆位有備而來, 

心情不再抱怨, 集中精神的大踏步上石級, 仲氣不窘迫, 見人過人, 勁度十足 !!!!! 強呀 !!!

轉眼一小時就到達上次的位置了~

第一個小山算是到了, 

好開揚的風景, 今日雖熱, 但都有風, 算是易行不易口渴,

不消半小時又到了第二個小山頭, 已見滿山芒草, 

心情好興奮呀, 我們行了一半了~ YEAH !!!!

見遊人不多, 就影多D靚相先~~

此時太陽都仲未到我們頭頂, 

所以不太熱, 相亦不太光, 好有秋意呀 !!!!!

天氣不似預期, 

頭段路是又曬又熱, 

點知轉了 2 個山頭之後就進入仙景 ~~

雲霧來襲, 所有美景都不見了, 人潮都不見了, 

好神秘呀!!!

***

再行多半小時, 又過了剛才的仙景山頭, 就到了滿山芒草的大斜坡,

眼見人人都向山上進發, 

我和細寶先是在山下等爸爸的大寶探路, 

因由斜坡低向上望真的好斜好高, 

問人才得知此路是捷徑到大東山的標示柱,

人生的決擇, 向上行捷徑亦或行大外圍上山,

怕是細寶上不了去, 正想打電話又無網絡........

但在旁突然出現了一對父子, 爸爸一手就抱起3歲多的兒子上山去,

我和細寶你眼望我眼, 立即下決心行捷徑~ GO, GO!!

斜是不太斜, 但都要手腳齊用, 爬住上, 

原來細路重心低真係易上好多,

我又不靈敏又不膽大心細, 

姐手姐腳下終於都爬到上去了,

好彩有上來, 山上風景無比開揚, 

左手面是貝澳, 

右手面是長沙,

倆個美麗海灘都在腳下, 正呀 !!!!!

***

此時此刻, 我們真係餓到傻,

早有準備買來了美味的糯米雞和水果, 

一打開就令到周圍D人都向我們行個注目禮, 對我們的午餐羨慕不而~~

雖然他們都唔弱, 又卡樂B又蝦條, 

但呢D咁口渴的食物真不宜行山填肚之用......

來到山頂了~ 香港三大高山之一

" 大東山 869米 "

任務完成了~~

此時的山頭一點雲霧都沒有, 

機場就在遠方, 

享受完美景又再向爛頭營進發了~~

***

太陽頭上高高掛, 真係又熱又曬,

但冒住眼盲都要不停影相, 

因為D芒草在太陽照射下特別金黃, 好靚~~~~

***

單睇我們D相片以為無咩人, 

但在爛頭營那片山頭可真壯觀 !!!!!!

長長人龍, 真係多人到似清明掃墓呀 !!!

所以我們不選南山和黃龍下山, 

選回原路的佰公坳, 

爛頭營的小屋仔, 來年再見啦~~~

***

咪以為 4 點無咩人上山, 依然好多人湧住上山,

他們力氣真好, 應是趕上來睇日落, 

但我等有細路的家庭團都是早早下山, 免得在黑夜下行山路了~

***

由呢個方向走, 正正就是西斜方向,

又是行到眼盲.......

但時有雲霧又有斜陽, 真係一山不知一山事,

每個路段的天氣都有分別呢~

在鳳凰山的相伴下山, 又是一樂也, 

下個目標就是你了~~

快樂的時間過得特別快,

上山用了接近 3 小時, 真的進步了~

下山時我們都進步了, 個半小時就回到佰公坳巴士站, 

不過個天黑得仲快過我們, 只是 6 時, 山路已全黑了, 

我想如選走南山, 必定塞人到不得了....

在咁黑咁多的情況下趕路, 必不是享受, 

所以提提大家, 睇日落要準備電筒下山, 免受傷呀!!!!

還要帶走自己所有的垃圾呀, 

希望不是放在山腳的垃圾筒而是東涌市區的, 

人人多做一點, 那美麗的大自然都會長久美麗下去~~

行山 @ 西灣亭 ~ 浪茄 ~ 萬宜水庫東霸 SaiWanPavilion,LongKe, High Island Reservoir

2015 年 10 月 18 日, 星期日, 天晴, 曬~~~

今日是慶祝我生日的行山活動, 所以倆位曳人都無得反抗,

乖乖起身出發到西貢, 

今次遲了起步, 11點才在西貢等車, 

那架穿梭車 29 R 已超多人, 所以我們兵分兩路, 排埋的士,

29 R 是 $ 17一個, 所以今次選了的士,  $ 100, 5 個人真係相差不多~

29 R 資料

**

立即由西灣亭出發~ 時間是 11 : 30了~

睇上網的路程不是太長, 6.5公里, 需時只是2小時,

我們那有可能呢 ?! 

加上浪茄是今次行山重點, 點都玩耐 D , 

到西灣山頂涼亭是 2 : 00, 到浪茄 3 : 00, 到東霸 4:30, 坐的士已是 7 : 15了,

**

不知是大細寶大個了, 亦或大家進步了, 40 分鐘就由西灣亭到吹筒坳分叉路了~

沿路的水庫景依然吸引, 只是今日都是有煙霞, 遠景不清晰......

**

來到人頭湧湧的吹筒坳了, 向下是西灣沙灘, 

今次我們是上山路西灣山再落浪茄, 

西貢沙灘和高山真的好靚, 雖然今日好熱, 

但沿途有小小海風都可以接受, 

但我們所帶的水又是不足夠....

睇來都要學下其他人-- 拿住一公升的水來行山了 !!

一路上山的路都是泥石路, 我們進步了, 

大寶已不用拖手, 扶助都可以自己健步如飛的同婆婆飛奔山頭~~

仲一句抱怨的說話都無, 感恩呀!!!

反之.......

今日個細寶多多說話, 不停說好熱 !!!!!!

不停說要飲凍檸水, 沿路哥哥都輔和說, " 我都想要 "

一時又大叫想要部冷氣機, 一時又說要 100 粒冰粒, 

總之就不停發脾氣, 又說咁熱, 比個涼亭我啦....

好心伯伯安撫佢說前小小有啦, 佢又大叫, " 我要全個山都係涼亭呀 !!!!!! "

呢位曳人令到所有去西灣亭的人士都知道佢一路行一路發脾氣, 

在山上出名了~

**

總終到頂了, 西灣山 314 米,

終於都到落山路了~

一路落山的路都十分斗峭, 

我的古董行山鞋經不起考驗, 玩開口 !!!!!!

我已每步慢動作的提腳行, 不拖住落, 

點知....... D 小石仔, 不停撞下撞下就甩底了~了~~~~~~~了!!!!!!

呀 !!!!!!!!!!!!!!!!!!!!!!!!! 救命呀 !!!

正正在山頂咋, 無鞋底咁落山好易抽筋架 !!!!!!!!!!!!

嗚~~~ 嗚~~~~ 可憐的我 !! 

走到開揚的半山腰, 左手面的小海灣是" 浪茄仔 "

右手面的大海灘是 " 浪茄 "

而此落山路是人工化的石屎路, 好行到不得了~

** 

幾經辛苦, 終於捱到山腰涼亭,

立即用鞋帶, 用大寶八達通套的繩來綁實個鞋低,

唉.....

再次証明, 鞋係要常穿才不易甩底, 

家裡的鞋真的要多穿啦, 免得下次又不知在那個山頭甩鞋底.......

輕鬆的落山路, 細寶開心到跳住舞落山~ 

毫不掩飾自己的喜怒就正是細路仔的特權, 

我都想唔理人感受地大叫~ " 我要發達 !!! " 

**

如果目的地是浪茄, 不上西灣山,

我極力推介由東霸起步到浪茄, 會十分輕鬆~

但由浪茄到吹筒坳就要考腳力了, 那上坡路好"金 " , 又斜又多山路,

不用半小時就衝到落沙灘啦~ 

Free time~~ 

跳水嘅跳水, 捉魚嘅捉魚, 一樂也~~~

在沙灘玩了個多小時就要出發去東霸了~

路程不長, 但梯級路好倦....

好在風景優美, 睇住大海景來行, 身心舒暢 !!!!

但有一小段崖邊路, 人大了有小小畏高呢...

半小時到就到東霸了~

剛巧是日落, 又是一個不知時日過的發呆好時刻~

睇完落日就睇" 破邊州 " 和 " 六角柱岩石 "

良辰美景, 我等無墨水之人真的想不到形容詞來讚美~

只有不停影相再影相~~

今日大寶 {{ 大豐收 }} 捉了倆隻蟹仔和我掏手活捉的一條小魚,

係我得意之作, 哈哈~~~

話說我們到達東霸涼亭時, 眼見多人在等的士, 

而之前亦在討論區睇過, 在東霸 call 的士回西貢要加附加費,

好的, 都有心理準備多付小小, 就加個$50吧,

點知, 原來我低估了人多爭車的情況會在呢個周日6點發生.......

我們不停 call車 , 等車, 問台, 都是無車.......

半小時後, 台回覆有車了, 滿心歡喜的我們又再不停影日落晚霞...

但.........

半小時後都無車出現, 

天開始黑....

人開始散........

而我們只有睇人上車,

此時

有紅的出現~ 係一個好特別的情況, 因我們 call 的是新界綠的,

紅的出現代表..... 搵食釣泥孟車開工了!!!

但我們依然無車出現,

好奇問一問紅的多少$回西貢, 開價 $300 回西貢 !!!!!!

o ~ h !!!!!! 無聽錯, 係3佰 !!

原以為之前有 d 綠的開 $150 2人回西貢已好過份, 原來高處未見高 !!!!

好在爸爸不為餘力的追 call 車台, 原定要來的車無來, 補鑊的車在 7點多終於都出現了~

立即跳上車, 因為我們是一路行住出去等車來~

而在我們前面是有幾個人的, 他們都是不停截車, 

我想他們應該是自由行來行山, 不會 call 車, 所以見車就截,

上車後, 和司機閒聊時說, 假日好多自由行來行山,

而往往我們 call 了的車都會因中途被他們截糊, 仲要往往只是多拾元貳拾元左右...

唉.... 點解咁衰, 明明都加了錢都咁無行規 ??

好在司機好人, 冚旗入來接我們, 如果唔係要行 2 個鐘出回閘口都想死呀 !!!!

總結 :: 

1. 一到東霸涼亭要立即 call 車了~  [[ call 車台電 : 27296600 ]]

2. 見半小時都無車好不停追 call 台~

3. 附加費 $ 50 好足夠了~

由東霸涼亭到西貢市中心, 跳標是 $100 左右,

當然, 有足夠時間和腳力, 付出多 2 小時係可以行到北潭涌閘口的, 

而且是平坦水泥路呢~~~