2014年の雪樂無窮北海道DAY 2。1 @ 小樽運河

 

 

2014年1月31日, 星期五, 年初一

 

**

今日一起身見細寶精精神神就開心哂~

立即出發去玩啦,

由於我book酒店無包早餐, 所以早餐就是是旦旦的去買個飯團 + 牛奶就一餐啦~

 

**

 

首要任務是去買2月2日的旭山動物園號車票

JR北海道

特急旭山動物園號

 

在札幌駅內, 找JR総合案內所十分方便,

因他們有一位英語大使, 穿紅身服的在JR西口附近為你帶路去正確的Information買票,

仲會介紹其他優惠, 她就介紹了我買小樽的水族館套票,

入場劵+巴士和JR札幌-小樽來回車票, 1人2440yen,

她還幫我寫好是買旭山動物園號, 指定席車票, 一埋去櫃台給錢就走得, 十分good~~

但........... 大安旨意的我又出了小問題, 在2月2日的行程再講,

 

 

 

 

 小樽Otaru

 

由札幌去小樽只需半小時車程, 所以2寶好興奮地東張西望就到達了~

快到小樽時還看到海和海鷗, 天色唔多好...... 周圍仲好大風呢......

 

 

 

 

 

車站好多積雪, 興奮的2寶已不理我們, 努力地玩雪!!!!!!

 

 

 

 

整個行程, 2寶不停做的動作就是,

 

踎低... 嗱雪... 搾埋一個雪球... 掉落你個身度!!!

 

 

 

 

 

 

 

第一站先到三角市場食個 Brunch~

三角市場

場內的八角魚是特產食品, 當然要試一試~

一出JR小樽駅 向左行就是了~

 

雪國的汽車水勃常常都係向天的,

有時D車頂積雪仲會好似壽司飯, 厚一厚, 睇見都想食一啖~

 

 

 

是一個普通的魚市場, 所以除了八角魚之外還有好多選擇的~

隨便選了一間就入去開餐啦~

 

 

 

 

 

 

我們叫了特盛蟹肉飯, 特盛市場飯, 燒帶子,八角魚刺身,

d蟹肉十分之滯, 食一大蜿真係好不智的...... 我跟手尾時飽到上心口!!

海膽無得頂, 如果唔係要就個死仔包, 我必食海膽,

帶子都係刺生好味d, 燒完好縮水,

合共6200YEN ($471)

食到飽飽就出發去玩了,

 

 

 

 

 

 

一出三角市場就大風大雪~ 但下一站是到水族館,

おたる水族館  http://otaru-aq.jp/

 

一心諗住都算有室內, 點大雪都頂得順啦~

點知....... 全程車都未曾見到過個巴士窗清晰過!!!!!!

架巴士一路以蝸牛速度前進, 我個心就一路祈求個雪細小小...

終於, 半小時後到總站了, 一望四周.......

白茫茫一片, 東南西北都未分到之時,

 

眼見個入口指示就在前面, 點知!!!!!!!!!!!!!!!!!

一個狂風雪就迎面吹正我們, 大家立即找地方避一避啦,

但個死人巴士站係半開放式, 哩到埋一角再摺埋自己都係吹到頭暈眼花.....

細寶已不停叫怕怕, 好怕怕, 咁我立即想抱起佢, 點知就成個人被風吹倒及撞親手, 達到眼突,

而大寶同爸爸都唔好得去邊, 周圍搵位避都係食到成面雪,

硬食了5分鐘後決定上回巴士走人........

 

唉..... 點解個站頭唔係好似小樽站咁有間屋咁呢?????? WHY???????

就係咁白白浪費了時間同金錢..........

 

半小時後, 又回到JR小樽駅, 天依然是大風大雪,

又再次到室內避風頭兼食嘢~

 

好不容易的等到2點, 天終於都細雪小小啦, 可以出發去運河~~

今次我們選擇慢慢行去運河, 沿途2寶都係玩雪, 踢雪, 嗱雪咁未停過...

 

 

 

 

 

 

無細心睇地圖的我, 不知道呢條河仔出面就是運河, 所以我們雖在小樽,

但就無去到地標運河影到此一遊相片.......

 

 

 

 

在堺町通慢游的我們都行得好開心~ 沿途D玻璃店十分精美, 但我唔敢入去,

怕2曳人有破壞無建設, 打爛一件半件都賠死我.....

 

 

 

 

周圍都有燒帶子店, 咁凍天氣下, 食多多都唔覺飽呢~~

 

 

 

 

 

 

行到中途又超大風了, 又要搵地方哩埋啦......

無膽鬼細寶立即縮埋來我身, 怕自己被吹走喎!!!!!

第一次體驗到風 + 雪的威力, 初哥的我們真係咩都做唔到,

只有回屋內 hea 到佢停風雪.......

 

 

 

 

 

 

 

 

剛啱路過有雪印甜品店, 就入去凍上加凍啦~

王牌雪糕是原味(牛奶),  超滑和超香牛奶味,

其次是牛奶雪糕加芝士味,

反而士多啤梨就酸酸地,

死硬派綠茶 fan 的大寶都說呢個雪糕一般...

推介~~~

 

 

 

 

 

 

 

 

 

 

 

 

六花亭的strawberry chocolate好美味

北菓樓d甜品都好好味呀~~~ 特別是泡夫

真係食到無停口, 肥死都要食! 食!! 食!!!

 

 

 

 

 

 

 

 

 

 

 

 

 

 

 

 

來到蒸氣時計的北一硝子店,

大意的我幫細寶拉衫的拉鏈都夾親佢個嘴唇,

細寶真係禍不單行...........

我就更是大意, 內疚到不得了.........

 

 

 

 

 

 

 北海道的日照真的不長, 4點多就開始天黑了,

立即轉去下一站~

天狗山

 

**

 

大寶 8 歲生日 2014 年

2014年 3月 27日, 星期四, 晴,

8歲的大寶~~~

**

好喜愛書本, 不過是自己喜歡的魚, 昆蟲, 恐龍,

好喜歡食, 不過是口不停的生果, 雪糕, 魚, 菜, 對肉類只是一般般,

而最大問題是不愛學校的飯盒......

好喜歡劍擊, 只要是同朋友仔上堂就喜歡~~

好喜歡釣魚, 日日都想去釣魚.....

好喜歡摺紙, 日日一放學就是摺..... 摺....... 摺........ 不停....................

好喜歡整古細寶, 時時要細寶參與佢自己喜歡的遊戲, 不理會細寶是否願意......

好喜歡有朋友仔來家裡玩~ 不論是他的, 細寶的, 爸爸的, 我的, 婆婆的, 只要是來探我們的~

愛摺紙... 但更愛LEGO, 愛自創, 愛爭零件, 愛倒滿一地 !!!!!!!!!!!!!!!!

愛別人喜歡自己, 愛笑, 愛玩,

仔~~~ 呢份童心要長伴你呀~~~

行山 @ 城門水塘 Shing Mun Reservoir

2013年3月3日, 星期日, 陰天~

城門水塘是一個好舒服的行山路段~

又平坦又短程, 只是比較多馬騮,

只要不隨便拿出食物或把膠袋搖來搖去引人犯罪,

D馬騮都會安守本份唔打攪你的~

 **

最方便是由荃灣坐綠色小巴專線82號,

荃灣兆和街-城門菠蘿霸
我唔建議在中途站上車,係假日多數都係滿晒,冇得上的,

或由荃灣坐的士直達, 4人以上都好低,

巴士:搭36B-佐敦,油旺/36-荃灣西/36A-深水埗,富昌/36M-葵芳 至梨木樹,48x-沙田 等經和宜合道的巴士
或經城門隧道轉車站的巴士
在梨木樹(村)附近下車的,可經近山邊的樓梯上行(未過/在變電站之前的石屎樓梯)
在城門隧道轉車站梨木樹出口下車的,沿隔離馬路至大樓,經小路出(呢條路我未試過的)

地鐵
從葵興地鐵站A出口出,沿葵涌道一直上,同樣,至梨木樹上樓梯至
其間應經過一兩條天橋的,在最後行的天橋落左天橋後,直行經梨木道,大圓街,過對面再轉左,至路口轉右,一直上便至,

**

在假日, 入口處的自然教育中心還有小手工活動,

今次主題是 [[ 蝴蝶 ]]

大家有問有答的做得好開心~

而導師ee 見大寶不停熱情搶答又介紹其他昆蟲, 所以特別送多一隻蜻蜓給他,

開心到四萬咁口~~~ ^^

其實佢比其他小朋友大, 識答係正常的~ 不過我好欣賞他的熱情!!

 **

當日天氣不太曬, 但都好多馬騮在曬日光浴,

不過佢地普遍都好瘦又細隻, 不知食物係咪不足夠,

所以不停同我家2隻馬騮講要珍惜食物, 不要浪費,

如果唔係就帶佢倆回呢個老家!!! 哈哈~~

**

 

見到樹根旁有好多抓痕, 不知是馬騮在鍊手力亦或在食樹皮??

好多樹根下都係咁樣, 曳曳的細寶有樣學樣....

當真把自己當成馬騮,

**

今次水塘d水好乾, d樹根現哂出來,

如果在雨季來呢度, 好似會成一個澤國咁, 好多水氹和倒影,

影出來的相一定會好靚~

有機會都想試一試~~

好愛見到倆位曳人相親相愛的樣子~~~ ^^

古靈精怪的你們, 上了小學的大寶真的小了戶外活動,

加上我同佢為了功課日日吵架, 真的好厭倦大家.....

傷了感情, 傷了自尊......

慶幸大家都善忘, 吵架後會在晚上和解,

但我都唔想.........

所以要學會放手和接納他的慢..... 慢....... 慢...........

希望我會做到!!!!!!!

 好快會到細寶上小學了~

我都要先放鬆自己再和你找一個和睦的學習方法,

相處之道真的好難呀!!!!!!!

 慢慢來~ 慢慢來~~~

我要在行山的活動中學會多多欣賞,

耐心的找新事物,

細心的體會身旁的一草一物,

就像對你們一樣,

路是要慢慢行, 你們才有好根基, 才會好好成長!!!!! 

**