2013年2月10日, 星期日, 晴, (年初一)
出發, 出發啦~~~
好合作的2寶, 即叫即起, 快過個太陽呀~~~~
今年明正言順的用$90就4人同行的坐機鐵,
舒服又快捷~~~
{{ 優惠由2012/12/17 至2013/2/17, 3至11歲小童用八達通免費搭機場快綫 }}
今年訂機票時轉一轉, 坐Singapore air lines,
在上機時, 空姐派了很多應節利是呀~~
氹到2竇甜一甜~~
但小童的禮物包就失色了小小, 可能我期望過高了, 只是一d小填色卡, 大寶一d都不感興趣......
在機上食過早餐又睇了一陣電影就齊齊豬哂了~~
我幾喜歡小童的耳機, 夠鮮艷呀,
飛機到雲層上時, 陽光普照, 睇到人都心曠神怡~
但...... 一到步就另一世界了.....................
基本上, 個機場好大, 好新, 過海關好快, 仲有糖任食任取,
但個人覺得好似無咩生氣咁, 可能是新加坡都有農曆新年, 放哂假....
由於我們無在香港換錢, 一出關就在機場換d洗費先,
個rate當然唔靚, 對6.4, 可以接受嘅, 鬼叫自己懶無在香港換定d,
但換錢的靚女們都即時同我們講, 市面大多放假, 要初四才開門的,
oh !!!!!!!! 一聽就知要做一隻大水魚啦!!!!!! 點都要換3日錢啦, 唔係無得換咪比人又日哦夜哦...
接著當然要坐車去酒店~
心想坐地鐵的, 但眼見2寶都倦倦地, 大家又肚餓, 咁見車就坐啦,
咁見有coach就上啦, 無研究貴唔貴, 心想點都便宜過的士啩,
點知.... 又做多次水魚!!!!!!!!!!!!
4人坐哂一架車, 包車咁就當然舒服啦, 但盛惠SD 30~~
心想差唔多啦, 但Check in 時個小姐已同我講, 坐的士到都只需SD 25左右,
oh !!!!!!!!! 白白比多了5個大洋, 係足夠食一個海南雞飯呢.... 笨呀!!!!!
而在櫃台時見有大大個迎賓"柑", 本想取佢3, 4個當順反條氣的,
點知比2寶嘈一嘈就唔記得, 上房放低嘢就出去搵嘢食, 把那個大柑忘得一乾二淨......
到第二朝想食, 去取時, 才知係年初一才免費任取任食,
E ~~~~~ 點解架, 我都想有"金"袋袋平安ma... 激氣!!!!!
個肚打哂鼓的我們, 立即飛的去VIVO CITY 的FOOD COURT開餐~
先食了個蝦麵, 味道幾好, 但咸了小小,
再來個沙嗲串燒+雞冀, 2寶好喜歡~
我就來個咖哩雞麵, 爸爸就海南雞飯,
最後嘆埋個刨冰就大滿足了~~~~~
對商場Shopping無咩興趣的我們, 即坐地鐵去魚尾獅啦~
本想去坐Ducktours, 但眼見個天不停落雨, 無哂心情, down到不能了........
在去魚尾獅的途中, 見有雪糕車, 就即刻試一試出名的大件三文治雪糕了,
夾麵包就食唔落了, 夾威化餅都仲食得落~~
人人有份, 永不落空,
有我愛的榴槤味呀~~~~~
不知有無機會食到榴槤呢???
後知後覺的我們又做水魚了, 呢個雪糕在酒店附近的烏節路只需SD 1, 而今次就要起dou的SD 2,
幾時都講, 旅行唔好咁計較,
但一日內, 做了2次水魚, 心情好難不受影響, 唯有講,
我唔係一個精明的人, 我今次預了全程做水魚, 那如有一次半次的好運, 咁就要大大聲同自己講" 我好幸福呀!!! " 真的要阿Q上身@@
影了招牌相後, 就行去Singapore flyer , 一心想早早買去legoland的車票,
由魚尾獅去flyer係一段好遠的距離, 我低估了那個海旁直路,
點知新年不開工, 一連3日呢, 好在我係安排在初五才去的,
如果唔係, 都唔知去邊搵車去了~~
行到無咩力的我們都懶得再跟天書去搵食了,
就在flyer的地下路邊攤開餐了~
眼見好多枱都食海鮮, 我們都襯熱鬧, 幫襯那唯一一間的海鮮檔,
叫了燒魔鬼魚, 麥片蝦, 炒鮮魷, 燒似龍蝦仔的物體, 海南雞飯, 炒菜, 拉茶, 燕窩水,
大寶食家講, 燒魔鬼魚最正!!!!!! 海南雞飯一人食哂一碟!!!!!
其餘大寶食家話唔好食... 而我都十分認同呀~~~~
呢檔的麥片蝦太甜, 那個鮮魷好硬, 咬唔到, 似龍蝦仔的物體d肉又梅, 無鮮味,
我想去東區的出名店舖幫襯會好d~~
但呢位伯伯d拉茶又好好味, 記得要熱飲, 凍飲d冰會沖淡哂成杯d味, 切記當地人都係飲熱的~~~
飲飽食醉了~~~
回酒店豬豬啦~~~~~
新加坡d回收箱都幾得意, 一看就知, 十分清晰, 而路上d樹都好大好特別,
今次我們去的月份是當地的雨季,
每天都會落雨的, 小則一次, 大則一天3, 4次狂風暴雨, 好彩是每次係2小時到,
如果可以就最好在暑假才來啦~
