第一年的暑期班-結他

6歲多的大寶~~
今年暑假班我為他排了很多新嘗試~~
每日早上到學校玩2個鐘~~
下午再安排了不同的活動~~
就是青年協會舉辦的日營~~ 馬灣挪亞方舟 和 西貢康樂營,
真的是朝9晚5的玩足一天~~
個人獨立的第一步~ 就由此開始~~
細寶無份呢... 倆次都好不情願的看著哥哥去玩, 而自己就要返學,
心有不甘,但都無發脾氣.....有進步了~~



大寶再有一個獨自上的烹飪班, 4次都有帶回來同我們分享~



再來就是學游泳
大寶在第2堂就願意把頭潛入水了~ 萬幸!!
細寶志在參與, 毫無進步可言,
唯一得著係2人都願意沖花洒涼了~ 慳回不少水同功夫, 正!!!!!!



大寶講了多年, 想學結他, 今年, 終於得嘗所願,
參加了3人一班的小組結他班~~
教他們的哥哥是位大學生~
有次放學在商場相遇, 他說 "" 大寶, 要乖呀, 要聽媽媽話~ 唔好咁曳啦~~ ""
哈哈~ 大哥哥, 你只是對了一個鐘就心力交瘁呀呢???
想來, 大寶都比了好多痳煩你嘆吧??? 哈哈~~
咁你都要努力讀書~ 每位媽媽都付出很多的~~初初我都好心灰的, 但現在我已把自己完全放低....
把自己的包容量提到有幾高得幾高.....
每早都向自己高呼~~ 我是幸福的!!!!!!咁~~ 我就會充滿力量來和他倆鬥智鬥力呀~~



而細寶就參加了畫班, 希望他除了[[  的士 ]] 之外就畫下其他嘢啦~
因細寶真係一本又一本的不停畫的士~~~
佢唔悶, 我都想佢變化一下吧~~

舅父去星加坡的手信, 2寶都穿我開心又精靈~~ 唔錯唔錯~~

一起的畢業典禮 (K3 & K1)

畢業了~~畢業了~~~
3年的快樂幼稚園生活結束啦~~~

9月要步入小學生活~~
大寶, 你做好準備未?? 我又做好準備未??

我人生第2次的小學生活要積極一D, 投入多D, 努力大D~~~
回想自己細時, 真的係一嚿飯... 係懶的一群!!!
功課上不盡力.... 所以係好唔掂的過生活,
唯一記得就是, 我喜歡畫畫,
我喜歡運動, 通山走~~

大寶只有坐唔定呢樣似我~~~
細寶就似我鍾意畫畫~~

我要努力培養佢哋發展興趣~~~ 努力!!!!!!!

今年大寶表演得好投入~~
相比K1時, 判若兩人~~~

看見佢努力的踏腳, 提點朋友,  充滿了自信的大寶, 在台上好有光輝, 好叻仔~~~
真係百感交集, 眼有淚光呢........

老師們, 你們好成功呀~~
所以小朋友都係全情投入, 為自己, 為家長而出盡力去表演,

第一年上台表演的細寶都有出色表現~~
笑容滿面的去完成表演,
初時我還十分擔心佢會唔願參加, 估唔到佢又好落力做好本份, 無甩拖呀~~~ ^^

大寶畢業旅行

今年6月時, 大寶學校舉行了1個畢業旅行~
目的地是"" 迪士尼 ""

第一次咁多同學仔一齊去玩~
大寶心情興奮到不得了, 事前我都為佢準備了小小 小食同朋友仔分享, 但古唔到原來老師都有為佢哋準備~~
人人都一大袋食到唔停嘴~~

每位老師同義工家長都帶5-6個~
一行十幾小組, 真係好有趕鴨仔FEEL~~~~

老師們都早有安排, 只去一D可以全部人一齊玩的遊戲~
3D戲劇, 金牌米奇歌劇, 小小世界, 睇花車~

中途我才帶細寶加入行列~~~
好一個冒牌K3畢業生, 哈哈~~

而大寶依然唔當一回事, 同D女同學傾到不亦樂乎~~~

最後~~ 大寶堅持要睇埋煙花才肯回家,
難得大寶細寶又有咁足夠的精力玩足全場~~~

大大滿足的畢業旅行就完滿的結束啦~~






一年的年票亦都終結了~~
升上小一後, 我看平日都無咩機再經常來了~

劍小子

由2011年11月開始,
大寶開始學劍擊啦~~~

轉下眼已學了10個月了~
呢個活動係大寶第一個要求要去學的, 仲要係好比心機同專心的~
要堅持呀!!!!!

就在今年2012年的5月時, 學校舉辦了一次比賽,
大寶都嘗試了第一次的校內比賽~

由於我的大意, 原是下午的比賽, 我誤會了是早上, 結果就早到了2個鐘,
大寶的熱火都給冷卻下來了.........

由第一場的大敗就看得出, 佢已開始眼瞓.....
我同爸爸立即出盡百寶, 又氹又鬧才回個神,

進級了一次就正式止步了~~~
總結來看, 大寶係可以再打好D的, 只因呆等得太耐, 個人開始心散又眼瞓~
點都好啦~~
一次好好的經驗~ 下次要再比心機, 盡力呀!!!!!

當時, 我問無主見的細寶, 跟大寶學劍擊好嗎???
佢還停留在哥哥之前學過的台拳道記憶, 口號依然是 "" 我要打拳~~~""

但今年8月再問多一次, 佢已成功被哥哥洗腦, 轉口要學劍擊了~~~
因哥哥每日都用弓步來找佢練習~~

一起的運動會( K3 & K1 )

幼稚園的運動日~~~
大寶K3, 細寶K1, 就只呢一年, 倆人第一次一起參加,
滿不在乎的大寶依法唔理細寶~
跟屁蟲細寶死跟哥哥 & 哥哥的朋友~ 要做K3的一份子,

坐要坐在哥哥的身邊, 我說哥哥坐到你K1的組吧~
細寶大叫 """ 我係哥哥班架!!!! ""
仔.... 你咁樣, 下年上K2時點算?????????
哥哥上小學了, 你會不習慣?  你會哭嗎? 別人在K1發生的情緒, 你在K2出現??? 就只因少了哥哥在時那份安全感??
希望是我多心, 白擔心, 9月開學時, 你會笑, 你會開心的認識新朋友~

玩遊戲時, 2人好投入呀~~
手舞足動的細寶真可愛~~~~
別的小朋友是和爸媽玩合作性,
我掛住影相都無玩到, 唯有叫佢倆個自己做~~

大寶好醒目的叫細寶企定定, 自己掂住個氣球不停做動作,
又轉身, 又趴地的, 投入非常,
木頭人細寶又真係聽哂話, 郁都唔郁做支柱, 倆人合作大成功!!!!

完成賽事, 有呢個豬肉獎牌~~~
人人都笑容滿面~~

倆位K3班主任更成為小朋友的圍抱對象,
不停的又抱, 又攬的唔願放手,

我想就只有幼稚園的老師才可以咁開心~
學生的成績功課是其次, 只要學會守紀律, 有禮貌, 專心上堂~
老師就會好開心了~~

多謝老師的照顧~~ 大寶上小學後都會常回來探你們的~ 因為細寶還在學校呀~~~ 哈哈

臭味相投

口味呢樣嘢, 係會互相影響的.........
對食無咩所謂的細寶來講~ 對大寶就... 無人可以隨便影響到佢!!!!


大寶對食一直都好有要求, 心中所想, 口中所食都有一幅圖在腦中的~~
好似意粉咁, 海鮮白汁意粉咪就係簡單的蟹柳, 蜆, 蝦...
但佢係要求有大魷魚, 大塊魚肉, 大隻蝦, 大蘑菇, 不要蟹柳, 不要青椒......
細寶只有在旁附和的份,


早餐的三文治, 又是要有蛋, 肉, 菜, 同佢由書中所見的一樣才滿足,
細寶只要有朱古力醬就好開心了~


午, 晚餐都必定要有美味的魚肉~
如果無魚的一豌白飯, 請要立即轉為炒飯才肯收貨呢~
細寶依然固我, 食飯在現階段, 可食可不食, 你有你擔心, 佢有佢唔食..... 但唔好阻佢玩車仔..

生果殺手大寶, 對榴槤都情有獨中~
可能有D受我影響^^
而個懶人細寶就唔多愛動手的, 見到要用手食, 初初都SAY NO NO NO NO !!!!!!
但見大家食得咁開心又忍唔住試吓,
終於都受大寶影響, 愛上榴槤了~~~~~






睇來, 細寶呢種對食無要求的態度, 會繼續受大寶影響的~~

除了食, 興趣行為都深深受哥哥影響呢,
已超愛玩LEGO, 愛游水玩水, 愛單車, 愛亂跑, 愛海洋, 愛亂講說話, 愛傻笑, 愛唔聽我支笛, 愛頂我嘴, 愛將間屋反轉再反轉.....

各有地盤

自從細寶上了幼稚園後, 對哥哥的一舉一動就更加留心.....
心怕睇小半眼都會比哥哥買甩~~
跟屁蟲24小時on call~~

哥哥一回家, 做功課不專心, 即時就拖自己枱仔在旁邊, 拿出自己的連線練習在旁整色整水, 認真一番比哥哥看....

哥哥畫畫,  你有你畫魚仔, 我有我畫心愛的士~~
都係老問題啦, 哥哥一句 "" 好普通啫.... "" 語氣奇差兼十分不肖, 即時又觸怒了細寶神經, 倆人又有互相大打一番...
其實哥哥在呢一年已進步了很多,
我同佢講, 做大的要多包容細的, 就似我包容大寶一樣, 所以大寶多是用手頂住細寶的頭, 只比佢打下大比同手,
有時睇見咁.... 都唔知好嬲定好笑~~