2012年1月28日, 冰震首爾7日遊 @ DAY 6 part 2 弘大 + 新廟汗蒸幕
下午就轉到弘大行街街~~
行經韓劇常常出現的雪糕33,
2寶倆眼發光~~~~~~
好啦, 去得旅行就輕鬆D, 想食咩就食啦~
好多選擇, 又低, 超讚呀!!!!
星期6的弘大真係人頭湧湧, 見到商店都迫滿90後呀~~
建築物都好特別, 但我無入內血拼... 無彈藥了,
周圍亂咁行之下,去到呢間SPOONY餐廳~
之前在好多車站都見到有佢D蛋糕賣, 但今次係餐廳就入去8-8~~
蛋糕好靚呀!!!!!
但都好貴呀!!!!!!!!!
仲有好多精品賣添, SPOONY迷一愛呀~~
之前的韓劇都有在此店取景, 但我唔記得係邊套....
細寶一見手指就想同佢握手, 不停又拉又扯, 超興奮
呢區有好多酒吧, 晚上還有好多地下樂團表演,
好熱鬧的~~
見到車大叔海報當然要影一影啦~~
黃昏之後, 就飛的去東廟找我期待以久的汗蒸幕啦~~
在網上找料時只知道在東廟附近, 唯有叫的士叔叔幫忙找一找了,
但都只係在東廟地鐵附近就放下我們,
四眼張望都唔多覺有汗蒸幕大廈..
向前行吓行吓之下, 誤打誤撞到了玩具批發街!!!
OH!!! 來得呢條街都心知死梗了.. 2寶必死O纍買玩具的...
果然各有收獲呀!!!
買完玩具啦, 心想放棄唔找之時...
突然見到有人拿住D沐浴露入了剛剛落車的大廈,
YEAH!!! 原來就正正係剛才落車的大廈, 不知是不是叫"SHOE SHOE"
地鐵東廟站636, 6號出口, 再向右轉就是了~
2寶的戰利品, 的士和跑車~~
24小時營業的~ 9時後有優惠, 但唔知幾多~
來到大浴場了~~
大家都赤條條時, 我就發覺韓國女人是多麼皮膚白滑了~~
唔通同日本一樣, 去多D大浴場同浸溫泉真係會靚D??
同韓方藥善又有無關係呢??
我都想咁滑呀!!!!
沖完涼就食個晚餐先~
試了意米水, 好清甜呀~~~
有得放任唔食飯食薯片的2寶開心到不得了~~~
食飽飽就周圍參觀一下~
2寶一見冰室就衝入去試吓零度的感受,
死頂的2寶不停講爽呀~~ 爽呀~~~~
一見個熱爐室又衝了入內...
呢個只係初級組, 還有82度同90度, 冰火2重奏, 好熱呀!!!
玩咗6日, 我的骨頭散哂啦....
大寶超叻仔, 又幫我按摩又餵凡飲嘢, 低讚呀!!!!!
當地人周圍瞓, 好HEA的,
細寶都入鄉隨族~
瞓住飲, 瞓住周圍LOOK... 當正自己屋企,
其實汗蒸幕真係幾舒服, 但室內的暖氣真的好焗好焗...
玩咗2個鐘就要走了,
大寶講個大浴場好舒服, 係都要去沖多次,
每個池都浸一浸才心滿意足的走人~
玩完沖涼, 又去了樂天超市買零食~~
行咗一陣就見到韓劇常常出現用來食拉麵的銻煲!! 好想要, 好想要,
但爸爸唔比買... 無位帶回去呀....
環保牙籤!! 好想買, 好想買,
爸爸又唔比買... 同普通牙籤無分別喎....
元彬飲品, 好想買, 好想買,
爸爸又唔比買... 同劉華綠茶無分別喎....
兒童專用尿兜!! 好想要, 好想要,
爸爸又唔比.. 屋企無成萬呎.. 無位放, 阻地方....
李勝基牙膏!! 好想買, 好想買,
爸爸又唔比...
但今次我大大聲講係有韓方成份呀!!!
終於得咗~~ 有1樣啦~~~
最後~~~
買了美味的士多啤梨和多拉A夢乳酪條做早餐,
好味呀~~~~
