大寶 5 歲生日 2011 年

2011年

大寶5歲了~~K2了~

今年生日他選了LEGO火車~

開心到不得了~

愛大自然的他, 依然愛去濕地公園~~

小蜜蜂的他都愛照顧細寶, 9月的時候,

2位曳人就齊齊上學啦~~

十分愛爸爸~~ 

昆蟲小專家開始定形啦~~

向自己目標進發呀~~

作多方面的嘗試~~

掘蜆啦~~

小廚神

中秋有錫到2寶濃的婆婆陪玩, 開開心心又一年~~

5歲的你, 頑皮是本性,

愛玩是天性,

日日被鬧是生活.....

" 一 " 寶

2寶是幸福的~~

因為有個[一寶]每日每時每秒都擔心住佢哋, 關它住佢哋, 照顧住佢哋,

近日, 天氣轉涼了, 眼見2寶面紅紅, 身痕痕,
一寶即時去藥房買潤膚露, 特別保濕的比大寶, 特別滋潤的比細寶,
早午晚不停捉人仔來身邊揸完又揸,

手仔冰冰的又捉來身邊加衫兼灌2寶暖水,

大寶說想飲湯呀~~ 一寶立即又入廚房忙個不停, 3小時後, 美味的章魚蓮藕湯即在面前~

下午茶的茶點必是時令水果, 美味多汁又新鮮~~

雖然姐姐每日都有買送, 但一寶行經街市見到2寶喜歡的海鮮又會時時加送~~

2寶看故事不識字, 又會細心教, 細心講, 耐心恆心比我多仟倍呢....

3人的感情如此親, 豆腐潤咁細的家是摧化劑,

假日又齊齊出動去探險, 齊齊做犯規的事,

如此的一寶, 邊度搵????

首飾大搬家

自問是一個愛整齊的人,
但我d介指, 頸鏈, 耳環就只能在一個盒內堆放.....
雖然不多....
但每次想搵都有在堆填區搵垃圾之感, 好亂呀!!!!!!

曾幾何時, 我愛上了香水, 本想好好的做香水收藏家, 點知就有了大寶而不能用了,
擺吓擺吓就過哂期了....

呢倆個盒仔就係首飾盒了...
好少家當呢~~~
但今次買了個新首飾盒之後, 就大條道去入新貨了~~~ 哈哈,

10年前的手鐲, 有1個已氧化而爛了個開關扣了...
而粒水晶都唔見埋,
在10年是包永久水晶及維修的, 但呢2,3年已無呢支歌唱了, 要收費就唔修理了~~
更放棄買此牌的首飾了, 一d都唔耐用.....

******  呢個就係在淘寶買回來的首飾盒, 只係人仔200有找, 超平,
但真的比想像中細限多, 都唔多夠用,
只夠放舊的, 那新寵咪無位放??? no, no, 又要去淘一個更大的了~~~ 呵呵~~~
淘店  "" http://item.taobao.com/item.htm?id=124196278&ref=http%3A%2F%2Fsearch8.taobao.com%2Fsearch%3Fq%3Dlavie%26cat%3D%26scat%3D%26pid%3Dmm_14507416_2297358_8935934%26unid%3D0%26mode%3D63%26rt%3D1322985573750&ali_trackid=2:mm_14507416_2297358_8935934,0:1322983309_3z6_397208880 """

頸鏈幾條, 其實我喜歡買鏈咀多於一整條買~~
而下面的星星介指及頸鏈更是由耳環改做的~

下面呢個盒仔係去放行時在加拿大買的, 好喜歡呀~
而大寶近期都愛上北極熊呀, 每晚都要聽一個有關北極熊的故事,
好考人呢......

呢條在瑞士買的, 天鵝水晶店的出品, 點解那時咁愛呢???
現在都好少帶了....

帶水晶有d人雲亦雲,
而銀器飾品一直是我至愛~~~
而呢條鏈更時no.1呢~~
所有都是老公買的~~
那時爸爸應該多謝我, 因1整年都不用想買咩特別嘢比我,
只要不停買吊咀比我就得啦, 幾方便~

呢條係做半價時買的, 唔知幾時又做特價呢??

幾隻介指, 不得不承認自己係一個好粗魯的人...
好好的一隻水晶介指都比我帶到又分裂又崩...
好在唔多覺, 鬼叫自己又喜歡, 小小彩瑕疵都唔搭得放棄佢~

鑽石~~~~
當然要人送才珍貴, 那個重任就交比爸爸啦~~
哈哈~~

好了~~ 搬家完成了,
好似真係唔夠位...
咁那個堆填區盒還不能退役住呢~~

繼續買多d, 買多d, 我愛朱義成~~~

行山 @ 東平洲環島行 Tung Ping Chau

11月27日, 全家又出動去郊遊了~
目的地是大自然的地方 >>>> 地質公園 >>>> 東平洲 <<<<倆個曳人仔, 今早不用3趨4請就自動波 " 彈 " 起身~ 每日都係咁就開心死我了~~~~
要去東平洲玩就一定一定要在星期6,日的早上9點到達馬料水碼頭坐翠華的船去~
此倆日才有船入島, 還要是只有2班船咁大把, 早上9點及下午5點,

詳細船期請看 [ http://www.traway.com.hk/ ]


要坐1個半小時呢, 所以我都準備了大量小食比倆位曳人消磨時間, 但愛海的大寶只顧看天, 看船, 看波浪, 轉眼已到東平洲了~
其實我係好易暈船暈車的人, 但自從大寶出世後, 同佢周圍玩周圍去之後, 訓練得多就無問題了, 所以倆曳人周圍去都有樣好, 就係搭慣船車,
去幾遠都無問題~~






 


 

 




到步之後, 我由碼頭向右行, 因太多本地遊向更樓石方向行了, 向反方向右行的洲尾角行就輕鬆好多了~~
11點開始環島行, 一直到下午4點多, 中途衝, 衝, 衝的行, 停留看石和捉小蟹的時間其實不多,
可能山路並沒有街燈, 所以回程一定要在5點, 有走馬看花之感....

雖然如此, 但都好值得一去的~~
特別是在另一面的龍落水及斬頸洲, 向海的感覺無比潦闊~~~


 


 


 



 




看見一層一層的沉積岩, 就知道自己是多麼渺小...
我將我有限的地理常識都傾巢而出的講解給大寶知, 好在都頂得住吓......
如果再深入D就真的汗顏了..........
有機會的話都係參加有導遊的導賞團會學得更多~~

 


 


 


 


 


 


 


 


 


 


 


 

 

 

 





由洲尾角轉到山路時, 我們真的以為行錯路, 因不停上, 上, 上, 而又行了20分鐘有多又不見任何指示,
中途忍唔住行了回頭路, 但又不見其他出口,
唯有又向前行, 行, 行,

終於見指示了 >>> 斬頸洲 <<<
好大個海呀~~~~~~ {{ 好傻的一個C9}}
立即行落去睇吓先~~

 

 

 

 

 

一看之下, 好有沙漠感呢....





 

 

倆位小曳人, 在島上做了海洋搜索家, 不停的落手落腳去捉, 摸,
大寶一見貝殼就想帶回家....
興奮心情一發不可收拾,
全程投入去揾至愛的, 決意做個唔聽話的小朋友....
勸阻無效時, 無奈之下只好比佢帶1個咁多啦~~
希望大家唔好宣傳出去呀........
 

而大寶今天功夫熊貓上身呢,
一叫佢影相就做出打功夫POST, 點解呢??????

一如以往,
細寶在中途已跳上我身休息ing~~

好彩的是今次山路好好行, 有樹陰, 有石梯上落, 腳步可以好輕鬆呢~~~

 

 

在龍落水的沙地時, 眼見人人都在玩層層疊, 砌石山仔, 2寶都疊了一個迷你山仔~~
不知係咪好似西藏咁為人祝福的呢???
 

 

周圍都有介紹岩石的形成過程, 有耐性不防細看, 而沿途都有大量蝴蝶周圍飛, 可能是交配季節, 呢度比濕地公園還多呢~~~
不知何解, 周圍都有仙人掌??
唔通好易生長的???

 

 

 

 

近期愛上養熱帶魚的爸爸看到周圍都係珊瑚, 想做小偷指數同大寶一樣高企......
而看見周圍的碎石, 就好似一件件千層蛋糕的, 我想偷回家的指數同樣高企...... 哈哈~~~
帶不了回家, 就唯有不停影, 影, 影,
愈影就愈肚餓呢....
但全島只有2間士多提供公仔麵咁多啫, 要食仲要在4點前呀~~
因東主都要趕搭船走人~~~
所以我們都趕頭趕命咁食個麵就要上船走了~~~

 

 

 

 
 

最後, 在更樓石影個到此一遊相就要快快到碼頭上船了~~~~
本是5點的船, 但大家一見碼頭有船都急急腳上船走人了,
當時只係4點15分, 早了1個鐘,
依依不捨之下都要上船了.....

但我想下年我們會再來的,
因為今次因爸爸的大意, D3本叉好電之下又自動放電, 結果是要急急轉用細機....
可惜細機用到半路又無電, 再轉為用手機..... 唉..... 真失策...
所以下年要再來, 影多D靚相~~~~

 

回到馬料水碼頭已6點多了, 看見有個 " 笑笑月亮" 迎接我們回來,
今日心情真的好舒暢~~
幾時都話, 出外行山多樂趣, 在家呆坐無生趣...... 好爛呢~~~
開心的一天~~~

其他地質公園介紹可在此網細看>>> http://www.geopark.gov.hk/
希望我會慢慢參觀其他好去處~~~