韓劇 @ 惡作劇之吻

韓劇,  惡作劇之吻

係上年的劇了,  睇完之後喜歡了金賢重呀~~~
但佢就真係唔多識做戲呢 :p
好彩, 女主角做得好生鬼~~
人人講女主角唔靚, 但我睇佢又幾順眼~
劇情好明快又得意,
青春劇來講都幾好笑~~

男主角其後的個人專輯歌曲好好聽~~~
都係唱歌跳舞正好多~~~

韓劇 @ 女人的香氣

剛剛睇了的新劇,
劇中的沖繩好美麗呀~~~~~
超級想去日本呀!!!!!!!!!!!!!!!!!!!!!!!!!!!!

劇情幾有意思,
做人係唔應該對自己太苛刻的, 如果要到最後才發現, 而又珍惜唔到就抱憾終生...

劇中女主角和男主角其實唔多襯...
所以投入唔到..
劇中男女主角的至死不渝愛情真的超現實又後現代~ 哈哈~
不過..
一睇都無防, 但唔係我杯茶...

美味~

好耐好耐都無食過爸爸意粉了....
難得大寶叫到爸爸獻身整返餐, 我同細寶都食得好開心~~~

唉...
我都唔明, 我現在的姐姐係煮食方面點解可以咁無心機...
日日係廚房4, 5個鐘, 都可以煮了一整年都無進步...
所以爸爸煮的愛心意粉雖然無咩特別花臣, 但與平日的地獄食物一比, 即時變了極品美食~~~~~
我們3個餓鬼食到LAM LAM~~~
yummy~~~~

每日行程

搭地鐵出出入入是我們一家大細的指定動作,
但不知何解, 倆位小曳人日日都可以一入車站就心情抗奮...
當正呢度係遊樂場,
我同爸爸都出盡百寶, 又氹又鬧又罰都無咩成果...
終於有日發覺倆人一入車箱就立正企好兼好鬼安靜,
一睇~~~~~
哈哈, 正正是一大班司機叔叔,
倆個立即呆咗,
因我成日都同佢哋講 " 再係車站玩, 下次見到地鐵叔叔就唔再比你坐O架啦.... "
今次真係好好彩, 上車前先講完, 一入車就見到,
即時有極高的阻嚇作用~
睇怕一頭半個月都有得安安靜靜坐車了,
不用就失禮人.......

 

 

零雞蛋

有蛋食, 有蛋食~
大寶講了幾星期的煎隻蛋過我食, 等到頸都長, 今日終於煎比我食了~~~
開心到不得了~~
點知.......
煎好之後第一時間係拿比......... 爸爸食...
嗚嗚..... 傷心呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
仔呀, 仔呀, 我真的又開心你成長, 又傷心你唔係放我在第一位呀...
但10年後.... 我相信爸爸都會去到第2位了.... 哈哈~~