掘蜆初體驗

 

陽光燦爛的周日, 今日約了朋友仔到大嶼山的貝澳玩掘蜆,

心情異常興奮的大細寶, 一見個海就2話不說地衝出去了~~~

我咁大個都係第一次掘蜆, 所以就不知如何入手,

咁啱今日個懶人爸爸竟然唔帶泳褲, 都唔知係唔係特登, 咁我就不好落力地去掘掘掘.... 但原來D掘係群居的, 而我又唔知, 呆呆地在一旁自己掘掘掘,

好彩D沙好幼細, D水又涼浸浸~ 雖然曬到嘔, 但都不太熱~~

大細寶都幫到手O架, 周圍摸吓摸吓都有幾隻收獲~

最開心都係細寶, 因早期落雨之後周街都係水氹, 細寶一見水氹就會失控地衝去跳水氹, 而此地方就正正周圍都係水氹, 跳到佢腳軟都跳唔哂, 飄移人樂此不疲~~

熱愛海洋的大寶就如獲至寶, 一見小蜆小螺就開心到不得了, 特別愛見佢哋去轉沙, 自己一個都樂在其中~

 

 

 

 

 

 

 

 

 

 

 

 

 

 

 

努力了一個下午, 我呢位初哥都有廿多粒收獲, 我就玩得未多夠喉, 但大寶就好滿足了, 一於炒來食咗佢, 哈哈~~

跳高D, 飛高D,

轉吓眼又到暑假了,

2寶日日夜夜都係玩玩玩玩玩玩..........

5歲半嘅大寶, 今年要升上K3啦, 而我同佢都要積極準備投考小一,

其實我都只係幫佢報考了一間咁大把, 到底我做得啱唔啱, 我真係唔知...

呢排自己都覺得凡事都力不從心, 回想自己一直教佢個方法好似都事與願違, 係自己做得不足, 亦或能力不夠呢, 點解人人都教得咁好, 我自己就做唔到... 好心灰,

今個暑假開始, 我都係要搵人上門教大寶英文了, 我半桶水的都係做輔助算啦...

還要找個普通話班比佢上吓, 如果唔係上小學時, 我怕佢適應唔到,會是遲了要是多了, 我不想想,

唉...... 現今小孩, 真係多才多藝, 有時真係為世所迫, 唔幫佢報多D中, 英, 數, 就怕佢想努力時都做唔到, 到底是香港環境做成, 亦或全世界都係咁呢, 我想都不要尋根了, 生活得在HK就要跟隨... 無奈而心灰, 但轉轉想法會唔會好D呢, 可能大寶樂在其中呢, 可能佢有能力做得好呢, 係我自信心不足啫, 大寶有呢, 我只要陪伴佢, 支持佢就得,

大寶: 加油!!!!!!!!!!!!!!!!!!!!!!!!!!!!!!!!!!!!!!!!!

9月就3歲嘅細寶,

在2個月前終於都介了日片了, 但在食飯方面就不斷退步, 一餐飯要食45分鐘, 早餐時時食得唔正經, 生果又簡擇, 橙+蘋果都唔愛, 一個字 " 懶 ", 唔肯用牙咬, 講說話又懶, 牙同嘴唔多郁, 好怕佢會成習慣呀...

有錯又唔識, 自以為事, 成日把左右腳的鞋掉轉穿就出街,講錯顏色更正佢時又唔接受, 提議佢玩遊戲時跟規矩, 口講是是知道知道, 但一玩就自己做自己嘢, 無視大家, 呢樣大寶就最激心, 時時都嬲爆爆, 一個固執, 一個自我, 其實倆個都是照鏡的一樣性格, 呢頭鬧完轉頭又一齊玩, 呢個係咪你哋個溝通方法???

真的, 倆個曳人仔, 不再BB了,

要靠自己來飛高D, 跳高D, 我只係一張床, 輔助咋~