藍天白雲 { 泰國芭提雅 } day 3

2月5日, 星期6, 年初3

晴天

 

 

 

今日一早就坐船出珊瑚島,(Coral Island)

睇書講解到此島是要先到大碼頭再轉車才可以到Samae Beach, 但原本在芭提雅個碼頭度已經有船直達啦, 不過船期時間不多, 早上只有9:30, 10:30, 11:30出發, 回程都係只有14:30, 16:30, 17:30, 好好彩, 我哋搭到10:30班船, 不用等多1個鐘, 但成架船都滿坐啦...

心諗半個多鐘都好快, 咩住細寶都無問題, 但原來都好"LONG", 再次好好彩有人讓坐比我, 真係萬分感激呀,

就係咁, 大細寶就可以好舒服地坐哂我左右大卑, 而我就好辛苦咁捱到海灘啦...

而來呢個Samae Beach係無渡頭泊船的, 要再駁船到沙灘再澗水埋岸的, 好彩我都叫減咗小小肥, 可以好輕型地跳上跳落~

 

 

 

 

呢個沙灘都真係好水清沙幼, 行到好出都只係心口, 所以大寶拿住個水泡跑出跑入都好放心~

之前睇其他blog嘅相, 呢度都無咩太多太陽傘, 但一到步就見到D太陽傘插到出海咁滯, 壯觀呀!!!!

而呢度食嘢係又便宜又方便, 我比十個LIKE呀~ 只但係去廁所同沖身就好市儈了, 每次10銖, 沖身仲要限時呢.. 所以我哋係要淹咸魚咁返酒店, 而我都發覺到呢度表面好美麗, 但在太陽傘後就充斥大量垃圾, 點解唔好好咁處理一下呢? 當地人真係十分之貪方便地隨手就拋棄垃圾.. 咁靚個環境被污染到垃圾堆填區咁, 好可惜呀...

 

 

 

 

在回程時, 我地經歷了TITANIC的走難爭船事件...

由於海灘係無渡頭上落的, 而又要先坐小艇再駁大船回程, 加上又無人排隊, 所以一有駁船埋岸時, 大家就爭先恐後咁爬上船, 本來我哋係第一批人在岸邊等上船的, 但當駁船一埋岸, 後面就突然有一大班人湧出來衝上船, 我呢身有大有細嘅裝備又點夠佢哋快呀.. 心諗, 好啦, 所所謂, 多的是駁船, 我等下架, 讓你又點話!!

但一等就4架, 心知架所謂大船都差不多爆滿, 再唔上船就要等一個鐘, 咁咪好唔低..

一於同BABA夾計, 一於唔理自己濕唔濕身, 一見架駁船埋來, 就衝前, BABA先將大寶拋上船, 跟住再衝上去, 我就死跟後面爬梯上, 但D人係完全唔理我係咩住細寶的, 無諗過讓我, 呀!! 我之前讓你哋, 家下第4架我想上都唔讓, 一於大叫""我有BB, 讓一讓啦

"" 好彩, 有位女仔有反人性, 叫佢男友讓比我上先, 咁我先可以上到咋,

本來我都諗住大寶同BABA上先, 我再等下架, 但BABA好火咁講 "你仲要讓到幾時, 天黑都反唔到酒店呀 " 咁我先下定決心爭上船咋, 好彩我有跟住咋, 上埋呢架駁船之後架大船真係開船走人, OH... 真係亂咁來呀!!!!

 

 

 

 

幾經辛苦, 終於都安全回到酒店啦, 但大家都淹足全程都真係十分之辛苦呀.. 經過呢件事, 我對外國人有所改觀, 在利益面前, 係人人一樣, 並無話外國人一定有修養過我們香港人的...

所以幾時都話, 讀萬卷書不如行萬里路, 呢D人生百態, 係要出外見識見識的~ 

 

 

患得患失 {泰國芭提雅} day 2

 

 

2月4日, 年初二,

木雕之城

 

 

 

今日一心想來呢個木雕之城係想同海豚近有個距離接觸, 就係比2寶親手去餵海豚, 點知一問就知今日清洗水池... 海豚回家了, 無得餵, oh... 失望ing呀!!!!!

立即轉呔去騎大象, 好彩~ 2寶興奮心情反而有增無減~  

 

 

 

 

跳完舞仲要不停扮 " 梅比斯超人",  天真自我的2寶, 唔發恔憎時又的十分十分可愛的~ E Q 還需努力控制呀~

 

 

 

 

 

 

 

估唔到凡事婆婆媽媽的大寶, 初初都唔敢行近大象的, 經我一大輪的輔導, 講話要多謝大象陪我哋, 就要請佢食嘢, 咁佢會記得你來呢度陪過佢玩, 就係咁, 大寶終於都鼓起勇氣去餵大象了,  其實你係愛動物的, 放謄去同大自然接觸啦, 呀仔~

 

 

 

除了大寶興奮之外, 其實細寶都好開心的, 皆因細寶十分十分喜愛的士, 估唔到呢度d的士係有好多不同顏色的, 藍, 紅, 黃, 白, 橙, 粉紅, 紫, 真係多到眼花撩亂, 所以細寶就好愛坐篤篤了, 因為有得睇, 佢話"等等"吓好刺激~ 哈哈, 

 

在酒店瞓咗個甜甜午睡之後, 鐵人叉好電後立即去了泳池游水, 本來我影了好多靚短片同相片的, 但我呢個失暈魚, 竟然不知不覺間 " del "哂....

唉....... 為咗平緩返自己, 夜晚我決定不停食同買呀,

哈哈, 最佳治療方法~ 

 

 

 

陽光普照 {泰國芭提雅} day 2

2月4日,年初二,

陽光普照,

 

 

 

叉足一晚電, 今日一大早就出發去木雕之城參觀啦,

由酒店坐20分鐘篤篤就去到了~ 鐵人2人組對呢o架篤篤車(倆排車)一坐定情, 心情異常興奮~

呢度好清靜呢~ 遊人不多, 加上2寶又不停嘻嘻哈哈周圍8, 所以人人都好熱情來招待我哋,  

baba有足夠時間慢影, 而我哋就可以在此漫遊而不怕撞親人,

多好~~

 

 

 

 

 

 

 

 

 

 

 

 

 

 

不知是不是受到寺廟的清幽氣息牽引, 2寶不停手舞足動地跳舞, 令到周圍d導賞員都走哂來圍觀一番, 難得佢哋又自得其樂, 一d都唔知醜呀~ 哈哈~

 

 

 

 

 

 

參觀完後, 本想去水族館玩埋個下半場的, 但大家一食完飯後就飯氣攻心, 立即要去眠一眠啦........

 

 

 

直到夜晚才出擊到夜市逛一逛~ 而我一心想到夜市去找一找網上常見人提起的 " 炳嫂找換店 " 和 " 美味芒果糯米飯 ", 但我同一個暴燥路痴 + 2個甩繩馬騮一齊又點會搵到呢.......唯有行吓嘈到耳龐的步行街, 飲吓椰汁, 買吓芒果來做宵夜就打篤篤回酒店啦~

 

 

 

 

早早休息又一日, 明天出發去珊瑚島玩沙啦~

 

 

開心歡笑 {泰國芭提雅} day1

2月3日, 星期四, 年初一,

HK冬, 泰國熱,

 

 

 

晨咁早5點多就起身出發去機場啦, 本以為打的要半個鐘才到, 但原來係唔駛的, 賽車手司機只用了15分鐘就由我家飛到機場了, 真係快過機鐵呀!!!

倆個曳人又真係精力充沛呀, 一叫就立即彈起身, 平時返學又唔見咁合作...

咁早, 想飲個茶都唔得呀, 唯有簡簡單單食茶記, 真係一D都唔係一分錢一分貨, 又貴又少... 仲要幾經辛苦才迫到倆個曳人食小小,

學會準時的我, 今次無遲到啦, 但班機就遲咗半個鐘才起飛呀..

 

 

 

 

話咁快2個幾鐘就到步啦, 第一次來泰國, 心情都真係好興奮吓~~

本以為泰國會無日本咁細心, 有專櫃比我哋呢D一家大細的, 但原來都有好多服務大使帶我哋去排快隊的, very good呀~

點知..... 泰國真係一個渡假國度, 連帶海關人員都係好hea的.... 辦理一個家庭係要15分鐘以上..慢..慢...慢..... 不知係天氣熱亦或等到慶, 我哋係不停哋除衫的...除到過哂關就啱啱好係背心+小熱褲啦~ 再咁等落去, 恐防大細寶都會除剩底褲了, 哈哈~

 

 

 

 

早早就book了tim哥車了, 一出去就見到我的名牌, 飯都無食就立刻飛車直到芭提雅啦~

鐵人2人組一直都無嘈無叫眼瞓同無叫要食嘢, 咩構造??? 反之我同baba就餓到無哂力...

一放低行李立即飛車到商場食~ 食~ 食~~

每次假期我都唔會迫佢地食唔食的, 只要有食早餐, 其餘時間就隨心~ 佢唔食, 我就係咁食, 由於細寶整親頭仔, 我本來都擔心佢會扭計, 好彩, 佢得我優良遺傳, 有得玩就咩都唔記得~ so good~~~

 

 

 

 

 

正餐就無咩點食啦, 甜品水果就食不停, 正正係今次泰國之旅個宗旨~

 

 

 

 

係呢個商場足足食了4餐呀~

 

 

 

經過一輪衝鋒陷陣式的食, 買, 行, 睇之後,

就早早回去休息啦, 話哂今日都真係好辛苦吓,

休息好就等明日出發去參觀寺廟啦~~