的士迷

 

十分十分喜愛的士的細寶, 唔知關唔關由細坐得多事呢?? 大寶細時就日日陪我坐地鐵, 所以就好愛地鐵, 而細寶就坐的士多, 所以但凡見到車頂有"taxi"就不停大叫~的士的士~~~

而一出街行玩具部都係專睇的士, 其他一o的都睇唔上眼呀..

問佢大個想唔想同哥哥一樣做賽車手, 細寶2話不說就講 " 我要揸的士呀!!!!" 好有個性呀, 但最好就有埋的士牌照就正啦~ 幾百萬呀!!!! 細寶比心機呀~

 

 

 

襯o的的士未比你玩到散哂之時, 影返張全家福先~ 但我想呢個大家庭會不斷加入新成員的....

 

 

 

 

由於未有能力換樓, 所以2兄弟就要瞓住上下格床先啦~ 細寶十分喜愛呢個咕"龍"+埋呢個豬咀post~

十個愛呀~~

泰~~想旅行之前篇

 

 

 新春大吉

 

 

話咁快又一年啦~

又係時候要出外行一圈來止一止我d旅行癮~

上年嘅日本遊洗費實在是太太太太超支啦, 所以今次要選d又平又近嘅地方~

咁啱有朋友一家大細聖誕去完, 聽佢講吓講吓就心思思想去一去, 

地方就是陽光與海灘之 [ 芭提雅 ],

泰國, 我哋未去過~ 有d期待呢~

 

 

本以為泰國唔會點加價, 但原來今年新年時段, 所有地方都有加價, 唯獨韓國無加重減價, 可惜我知道時已book了機票, 點解次次我都後知後覺, 激氣.... 

算啦~

2寶第一次可以在炎熱陽光中渡過新年, 都係一個美好回憶呀!!

唔... 今次想過一個好hea好hea嘅假期, 所以都無咩大計, 行季方面都可以輕便好多, 倆個大背囊應該都可以了~

今次主力都係食食食食, 玩水玩水玩水玩水, 瞓瞓瞓瞓瞓~

不過今次要坐早上8點的飛機, 要6點到機場, 都幾大鑊, 點叫2寶都唔會起到身o架喎, 點算???

而細寶食個方面都有d擔心, 佢到今時今日2歲4個月都仲係唔多肯用牙仔咬食物, 呢個幾月已不停提佢, 但都無咩進展... 失望ing... 擔心又激氣!!

至於大寶, 就無咩問題啦~ 今次一定一定一定要提自己 "幫佢帶內褲" 我唔想又要用$400來買內褲...黑色回憶....

 

講講行程先~

DAY 1

．泰國東方航空OX203, 早機08:15 >> 09:55到達

網上好多人都講呢間航空D機都比較舊, 但國泰又太貴, 所以都試一試啦, 飛機餐都不敢有期望...  又要同老爸做心理輔導, 如果唔係到時又哦足我全程都唔得你死.. 

．芭提雅酒店, Sabai Resort

已經book了泰國tim哥車由機場飛車直去酒店, 唔知泰國有無特快通道比我哋呢d一家大細嘅人行呢??

．下午就在酒店附近商場行吓食吓咁啦~



 DAY  2

．木雕之城The Sanctuary of Truth

好似有得近距離餵海豚, 無膽鬼2寶唔知會唔會嘗試去餵呢?

．水族館

木雕之城在北面, 水族館在南面, 坐倆排車慢慢"等"去~

．夜街Walking stree,



DAY 3

．珊瑚島沙灘coral island

水上所有活動都唔會參加了, 帶齊沙灘玩具在海邊玩沙就算啦~

．商場shopping, Royal Garden Plaza, 



DAY 4

．芭提雅坐車及船到沙美島Koh Samed / Samet

次次旅行都要轉1至2次酒店, 今次都唔例外, 沙灘酒店 Mooban Talay Resort Rayong,

．係酒店沙灘hea吓又或者去環島遊,

．沙灘晚餐



DAY 5

．再見沙美島 >> 機場

．回家啦~ OX200, 16:50 >> 20:40,

   

  

簡簡單單的5日4夜, 一路上網搵料一路想去多幾日, 而係plan行程時發覺好多人都係由機場直去沙美島再到芭提雅的, 本來都好想照跟, 但諗諗吓, 要由早上6點一路海陸空咁坐到3點, 我想2寶都頂唔住.. 一陣老爸又發火喪鬧發脾4就掃興啦.. 都係先到芭提雅hea返3日, 到走時才一氣呵成咁回家啦~ 同上次一樣呀~~ 有老有幼都係唔好預得咁緊迫好d~



有日老爸無o拿o拿酸酸地講"你成日都掛住d仔, 都唔理我..."

我即時"ooooooooo 嘴" 十有d興興地!!

呀大爺, 我唔理你就唔會係全年至貴時才一家大細去旅行, 我大可以選淡季帶佢哋去玩返個3日2夜, 都不知幾happy~

你又淹尖又多要求, 仲好話我唔理你, 唔該你好好反醒, 唔好咁大聲來投訴, 咁啦~ 今次我要用豪食喪買來下火, 你都唔好理我啦~ 哈哈哈~~~~

 準備就緒~ 2月3日出發~

 

搵料網址 :

芭提雅酒店 >> [ agoda ] Sabai Resort

沙美島酒店 >> [ hotal club ] Mooban talay resort rayong

tim 哥包車 >> [ 泰友營 ] 泰友營

機票 >> [ 康泰旅行 ] 康泰



其實周圍都有旅行套票, 只是我在旺季去, 咁就無咩得你選, 加上有2寶, 分開酒店同機票係便宜dd, 因為泰國酒店通常雙人房都已包1個12歲以下的小孩, 咁細寶只得個2歲, send個mail去問酒店, 通常都唔會再加附加費, 低過買4人套票的~

$$$$ 基本洗費 $$$$

機票:大人$3800x2,小孩$3500x2,機場什費:$2324=$16924

芭提雅酒店3日$1779

沙美島酒店1日$1200

包車3程泰銖4900,

到時d飲飲食食又另計了~