K2秋季旅行

 

 

12月11日, 星期六, 晴

今日係大寶k2旅行日, 我今年要返工, 無得陪佢, 所以重任就交由嫲嫲代勞,

今次目的地是西貢, 午餐係海鮮餐, 本來就好開心期待的, 但前一日大寶隻眼無嗱嗱發炎, 所有海產都無得食....

面對一桌美食, 但又無得食嘅曳人大寶, 係選擇咩都唔食...

心軟嘅嫲嫲亦任由他..... 半日只食了1杯雪糕都夠膽死!!!!!

 

 

 

 

 

 

 

 

 

 

 

 

 

回家時, 大家真係感到肚餓啦, 但唔係食麵包, 而係食壽司..

雖然大寶只愛壽司飯加豉油, 但呢日咁放縱又真係令我無明火起!!!!

見到大寶咁任性都唔知好嬲定好笑,

點解咁似我??????

有時, 我都會想放縱自己啦, 點解呀仔係咁時, 我要咁惡咁嬲鬧佢呢??

係咪知似我就會無出色??

到底我係嬲自己亦或嬲佢???

唉........

 

 

 

第一次之跌打酒

臭腳???

一對頑皮臭腳!!!!

因為同哥哥在梳化玩SIR滑梯, 一個樂極忘形, "咬柴"

右腳變豬腳... 

 

 

 

當時都唔係咁痛, 一覺瞓醒才知痛,

好在婆婆有秘方跌打酒,

經我一星期的日卒夜卒, 總算可以慢慢行得返~

 

 

頭個1日幫佢卒腳, 真係好痛咁嘅樣,

仲全日都係坐在地玩車, 毫無心機.....

 

 

第2日時, 細寶實在太悶悶悶悶悶悶, "冏"

為咗要追住大寶來玩, 唯有還回基本步,"爬"

爬都要有技巧的, 唔好再傷到自己隻腳, 就用塞頭哥來爬, 雙腳伸到PAT PAT到, 咁就倆腳不用掂地, 而又爬得好快~ 貪玩嘅細寶果然凡事都靠自己~ GOOD!!!

 

 

係細寶閉關無得玩嘅1星期內, 大寶都好悶....

倆人時時都靜靜地坐一起,

大寶仲抱同(咩)細寶, 在我協在之下~哈哈~

因禍得福~ 增進感情~

 

~聖誕快樂~

 

 

祝大家聖誕快樂~

 

 

 

自由畫

 

愛海洋, 愛大自然嘅大寶,

亂畫的圖畫仔都係一條大鯊魚~

 

 

大寶怕鯊魚寂寞, 畫多條小八爪魚陪佢,

 

 

一雙一對~ 一左一右~

 

 

 

圖書 (8)

 

 

手癢癢又在淘寶買了一d台版的繁體書~

 

 

 

 

 

點解圖書要咁貴.......

便宜d嘅話, 我會買得開心好多~

點解d樓要咁貴.......

便宜d嘅話, 我咪可以換樓囉~ 發夢ing.......

 

 

大寶好喜愛嘅2本書, 每次食飯時同佢講一次, 都講到口乾, 不過大寶真係好好記性, 完全記得哂所有動物住幾多樓, 合共20隻動物~

 

 

 [ 玩具大作戰 ] 完全係大寶嘅寫照........

 

 

[ 毛毛蟲列車 ] 大寶話要每日睇一次呀~

 

 

呢本書, 大細寶都好喜愛, 細寶已經學大寶啦, 一得閒就自己拿本書來番來番去..

不過係無認真睇, 暫時都係鍾意玩的士車多D~

 

 

 

摘士多啤梨下卷

 

玩得咁上下, 細寶開始無電了... 但大寶就戰鬥力驚人, 來來回回咁摘同食, 足足有4轉, 食了10藍有多....

 

 

無電嘅細寶, 堅持坐係度陪大寶....

我一講佢無電就質自己食粒,

只差小小, 佢就會重演坐係度瞓著比我哋睇, 但又貪玩, 講極都唔肯去瞓...

 

 

 

 

 

最後仲要死橕, 強顏歡笑......

 

 

最後, 仲要再剪多轉先肯走, 真係人出士多啤梨, 佢出命呀!!!!

 

 

 

 

由生手技工變熟手, 好有成功感嘅細寶, 剪到流哂口水都唔知, 唔知點解, 倆個人仔都係在集中精神時無流口水嘅呢,

係咪精神集中, 口水放鬆呢??? 哈哈 *^*

 

 

係我記憶中, 成日以為細寶比大寶2歲時講得少說話, 忍唔住睇返2歲時嘅大寶, 原來只係我放大了大寶當時的能力, 2歲嘅細寶, 講說話都唔比大寶差的,

而更比大寶堅強添, 因為大寶細時成日一有小小整親or無人陪, 都會大叫, 大寶以前比人搶玩具只會唔出聲, 或者就咁喊, 但細寶會自己解決, 去搶返大寶, 家下仲會反轉頭先搶大寶玩具添, 呀大同呀2, 真係好唔同~

 

 

 

 

 

 

 

 

 

********

 

無電細寶終於都瞓咗啦, 隻大馬騮就玩唔停, 努力爬繩!!!!

 

 

 

 

晚上回家後.... 大寶同細寶都瞓得好開心,

而我就樂極生悲....

果頭講人哋出士多啤梨, 佢出命, 原來出命的人是我....

我都不弱地食了4藍, so...

晚上就在洗手間渡過啦~ @__@!

 

 

 

摘士多啤梨上卷

 

 

12月5日, 星期日, 熱~~~

 

等咗成年, 終於都到大寶期待已久的摘士多啤梨季節, 今日真係又好天又舒服, 一大早就出發去大棠荔枝園開工摘個痛快~ 

初次揸剪刀嘅細寶, 完全無從入手去剪士多啤梨, 試咗幾次就放棄啦... 好無耐性呢....

 

 

反之個熟手技工, 唔幾1分鐘就有一藍仔收成~ 得得戚戚咁show比我哋睇, 細寶一睇見哥哥咁快手, 就更無鬥心... 放棄唔摘轉而走去散步,

 

 

 

 

細寶摘就幫唔到手了, 洗就好快手, 仲不停玩水, 而大寶就密密手咁清除d葉同莖, 倆個曳人係食呢方面真係好齊心, 其他嘢就成日打打鬧鬧,

 

 

 

大寶今日心情勁靚, 叫佢做咩都無扭扭拎拎, 乖仔到餵細寶食都肯~ 雖然細寶都係食唔到, 但肯去做都以經令我開心死了~~~^^

 

倆兄弟d表情似到呢.... 餅印~~

但原來倆個個頭頂轉係唔同方向的, 一個向左, 一個向右, 剛好大寶似baba, 細寶似我, 酒粒仔都係一個有, 一個無, 又分配得幾得意~ 哈哈~*v*

 

好味到個樣都特別甜~

 

到底隻手指好味d亦或d生果好味d呢, 點解5隻手指都要食埋???

 

 

 

 

唔係講笑, 倆個係咁食, 係咁食, 話咁快就食了2藍, 大寶好快手咁又出去摘了2藍回來, 呢位大汗工人真係辛苦哂~

 

 

 

 

 

 

細寶見大寶剪得咁開心, 忍唔住又再嘗試幫手啦, 睇住做, 小心試, 終於係大寶嘅示範之下, 細寶成功學會剪葉同莖啦, 大寶果然係佢個大偶像,

哼!! baba都只係小偶像咋~

 

 

自己落手落腳去完成, 食都食得開心d, 汗水係無白流嘅,

大寶, 凡事都要親力親為呀~

細寶睇你頭o架~

 

 

 

行山 @ 青衣自然教育徑 Tsing Yi Natural Trial

11月29日, 星期日,熱~ 熱~

今日大寶要求要陪婆婆行山,

好, 好, 一年一次, 希望你會慢慢愛上,

先食個豐富早餐就出發啦~

明明熱到嘔, 倆個仲要著到一隻糭咁.......超傻蛋.....

三個糭人..... 真夾呀~

未到行山處, 先在公園運動熱身一下, 熱到除下一件, 除下又一件, 見佢玩得咁開心, 以為大寶會無咩能量再去行山, 點知, 玩咗一陣就叫, 就趨我哋要快d上山摘野果,

行咗一陣, 突然後面來咗班消防員, 本來以為有咩大事發生, 因為不停又警察, 又救護員咁, 心諗要唔要返轉到呢, 但佢哋又無講要唔好行, 咁就跟住尾去八一八~

消防即係消防, 話咁快就行到第一個亭, 仲行埋到事發地點, 照睇又唔似有咩大事, 但就一大班人圍埋一齊, 唔知咩事呢??

終於, 行多一陣我都去到現場了, 原來只係有位婆婆頭暈唔舒服, 而老伯伯擔心就報警了,

單單只係有位婆婆不適, 就有6個消防員, 2個警察, 4個救護員, 個人覺得有d小事化大..... 但從我呀媽心中睇, 就係身在香港真幸福, 隨時都有人幫,

啱嘅, 啱嘅, 香港人, 是幸福的~

大寶熱到想剩係想穿底褲呀, 陰公, 至幣係我又大意, 無帶半心短褲, 好在佢拿住支樹枝, 左了了, 右了了, 不知幾寫意~

行到涼亭, 仲有3個哥哥姐姐係度玩沙~

免費娛樂, 2寶即時加入~

細寶初初不停用樹枝騷擾大家, 大寶及另外倆位哥哥都不停叫細寶去第2度玩, 唔好了散佢哋d泥沙, 好在, 姐姐有d仁愛之心, 叫細寶一齊玩, 細寶不至於孤伶伶,

所以幾時都話, 女仔真係細心d~

特別是先有姐姐, 之後係弟弟或妹妹都無所謂~

不過, 倆兄弟都在打打鬧鬧, 淚水加口水中建立到感情啦,

上次細寶行山都只係半歲, 話咁快就2歲啦~

今次行得好開心呀~ 仲學哥哥不停摘野果野花,

大寶的收獲~

今次雖然係細寶第2次行山, 但佢實際係行咗10分鐘到....

上山時, 在我背上嘻嘻哈哈,

下山時, 又在我背上呼呼大睡,

真識嘆世界!!!!

最後食埋大包就打道回府啦~

大寶手上呢朵小花竟然吸引到一位妹妹注意, 倆人不斷行吓又近d, 行吓又近d,

最後, 倆人仲手拖手行咗一陣~

仔呀, 你都好識氹女仔喎, 一朵小花就溝通到, 勁!!!!

而呢位小妹妹仲要係日本人添~

btw~ 次次行山都無baba份的~

所以呢次d靚相係出自我手的呀~ 呵呵~~~