今次在博客來買了幾本書,
依然有我喜歡的宮西達也~
大寶十分喜愛的夜光書, 唔錯~
簡單的英文書~
細寶好喜歡30隻貓咪~
同大寶一齊鬥快搵,
2010年11月24日 星期三
2010年11月21日 星期日
濕地公園2010
呢個地方, 真係影2寶一個好地方~
周圍走都唔怕影響到人~
而隨便就影到滿意嘅相, 好簡單, 有D綠葉就好靚啦~
不論望唔望鏡頭!!!
大寶愈來愈愛以街坊裝示人,
唔著牛仔褲, 太緊喎,
唔著有領衫, 太熱喎,
鞋, 只著波鞋 + 涼鞋,
細寶, 你終於都做足一個跟屁蟲了~
表情都學到足, 但有人又講係關遺傳事, 亦或是近朱者赤呢??
大寶D牙仔, 近來有黑點出現, 朋友請是唔夠鈣, 但佢一直都有食魚,
只是2歲後就無咩點飲奶, 關事嗎??
玩到成身汗, 唔講仲以為是夏天, 但天氣真反常呀, 11月都仲係20度以上, 中午時仲熱到25度, 咩世界???
我哋平時太唔珍惜地球, 好快就要自食其果啦...
眼見D動物同第3世界首當其衝去受苦, 但自己又做唔到D咩,
悲觀的我又亂想一堆啦... 心情不自覺又低沉了....
但轉眼又見到細寶的笑面, 世界是美好的~
要做回一個傻呀媽才可以繼續陪伴你倆成長呀!!!
什麼悲觀, 胡思亂想, 力不從心,
通通都是藉口!!!!
要努力先有成果, 我唔可以咁易一沉不起, 只是少問題, 何必將它放大???
真傻, 傻呀!!!
我知道, 我的小小心情, 你倆最明瞭,
所以你常常 GAVE ME A BIG HUG !!!!
DON'T WORRY~ BE HAPPY,
知道了, 我的小主人~
小傻蛋, 我會加油啦~
現在的細寶, 看著哥哥就開心~
雖然細時常常比哥哥蝦, 但家下有能力對抗啦,
就係出"牙" 好狼死的大大啖咬的...
萬幸的是, 大寶現在不還手了,
只會用隻手頂住, 再拋下一句 "我唔同你玩" 就轉身走人,
細寶, 你同哥哥咁相似, 係咪都要等到4歲才會控制一下自己D情緒呢???
還有2年呀!!!!!!
逃避鏡頭的日子.......
你有你影, 我有我唔啋你, 點都唔理你,
偶遇朋友仔~ 大家都好興奮~
自從返咗學, 大寶更想周日同朋友仔一齊玩, 時時都想相約一齊,
你想, 我都想, 但好難夾呀,
大家分手時, EE講笑話抱走細寶,
大寶即時反應, 叉住手, 嬲爆爆, 好激動咁講 " 我好嬲呀, 你唔可以抱走細寶O架, 我唔批准呀!" {{同我平時好嬲時對佢D語氣一樣!!!}}
原來大寶都緊張細寶的, 反應好天真,
我最開心係, 佢用講的, 無手指指大發脾氣話唔比, 算是控制到自己啦,
大寶, 我同你都要好好學習控制情緒呀~
細寶同哥哥D對話都好得,
大寶大叫細寶一齊睇蝴蝶啦, 細寶答佢一句 "食得O架??"
以為哥哥咁開心叫埋佢一定係關食事...
大寶見到D彈彈食同單鉗蟹話好多呀, 細寶 "係呀係呀, 哥哥你見到呀??"
好似自己睇唔到咁...
大寶係度扮動物叫聲, 佢就扮的士引擎聲, 仲要係走來走去嘅的士.....
1星期6日, 是無味的,
周日是特別甜的, 足以彌補之前的乏味工作日~
我愛周日, 我愛2寶~
2010濕地公園
每年11, 12月都是漫遊濕地好季節,
有陽光, 唔熱, 有蝴蝶, 有侯鳥, 心情應該特別好!!!
影咗多次濕地, 話悶唔悶, 因為入面如果耐心D影, 都會影到好多靚相, 但每次2寶都掛住喪跑, 所以都係快閃幾張相~
近來.... 心情其實好低落,
不論是工作亦或教導2寶, 都有種無能為力之感, 可能是我太悲觀,
就好似大寶, 出盡百寶去教佢要禮貌, 要自動自覺食飯睡覺, 但總時要三吹四請才去做, 唉.... 係我做得唔好, 未盡全力?? 亦或兒子真的來討債的..
做嘢咩... 更覺自己可有可無, 東不成, 西不就, 別人眼中是無能之士...
心灰到想做傻事,
好彩....
每個星期日都出去郊外遊蕩散心, 如果唔係, 平淡乏味嘅生活, 真難挨...
有時諗, 係咪自己唔知足, 所以不快樂..
但我好感恩現在所擁有嘅一切, 只是, 心內好想大叫, 一見身邊人不如意事就會無明火起, 想去改變, 但變不起...
更無助是...我原來係無傾訴對象的....
終於深深明白什麼是家家有本難念的經了,
開心, 要開心~
要快樂~
平常心...
訂閱：
文章 (Atom)