忍唔住啦....

 

忍...

忍.....

忍........忍唔住啦,

忍咗4年, 我本來好有決心要脫離以前敗家購物狂嘅人生.

 

但.... 原來我都係凡人一個...

本來想在自己減肥成功後才買來獎勵自己的...

 

但..... 天意,

竟然有老死去法國, 咁好嘅良機, 我無理由放過,

 

 

所以, 我.... 我.... 食言啦,

就咁樣, 我買咗佢回家啦~ 哈哈哈~

 

 

 

 

 

 

喜宴

6月23日, 星期3, 今日係拉叔大婚之喜~

 

 

 

2位小人仔當然要著到靚靚來見人啦~ 特別為3位光頭先生襯一襯衫,

條子3人組出場!!!!

 

 

唔講都唔信, 連新老爺都係條子人~ 哈哈, 當真心有相通呀~

 

 

2人的小動作都似到十足十......

 

 

坐唔定嘅細寶開始周圍玩,

 

 

 

 

 

今日姐姐已回鄉啦, 所以我就要坐定定睇實倆個曳人, 好彩都好合作, 無失禮行為...

 

 

平日好少比貝殼類食物比大寶, 怕佢敏感, 見今日咁開心, 就比佢食盡d, 大寶食力都幾驚人, 由乳豬食到甜品, 每樣都有食, 勁~

特別係帶子及鮑片, 同細寶食到唔停口,

好好笑, 成日見廣告介紹嘅炸蟹蚶, 大寶一見到就倆眼發光, 不停夾哂落自己碗, 我唔制止佢, 咁油兼滯, 我就即管睇吓你食得幾多, 果然~ 佢食咗一啖之後就放棄啦, 哈哈~ 知死未~

 

 

細寶都唔弱, 呢4粒帶子都食哂~

 

 

食得咁上下, 就同3位身份大大嘅表叔玩啦~

全靠有佢哋, 我先有得休息一陣, 真係乖仔~

 

 

 

 

 

細寶大寶今日精力旺盛呀, 玩到送客都未休息過, 就連飛的回家都未肯瞓, 有無咁興奮呀???

 

 

 

 

 

 

在此祝拉叔同 KITTY姐姐百年好合, 永結同心, 早生貴子 ( 囡 )

>>因為爺爺恨(囡), 哈哈~

 

 

嬉水同樂

 

 

夏日來臨啦~ 今個夏天終於都有得去玩水啦, 不過都係泳池啫,

大寶今年有進步呀, 肯用手抽來游, 又勇字行頭, 不停跳水, 我想明年可以學游水了~ 開心~

 

 

 

 

 

一人一水泡~

 

 

如果大寶d濕疹再好d, 咁我就放心比佢玩多d水啦...

 

抽象派

 

 

估吓呢張係咩????

係大寶畫嘅Micky Mouse,

其實我好唔明, 個個細路都愛用蠟筆或木顏色來畫畫,

偏偏大寶就愛用原子筆或其他筆畫??

雖然唔係好靚, 但佢好有心機咁畫比我, 當然要好好保留~

多謝你, 大寶,

希望你畫多d比我, 不論用咩筆, 我都會喜歡o架~

 

 

變變小生活

6月28日, 星期1,

 

呢個日子, 在細寶而言, 是一大日子,

因為佢今日決絕地告訴我知!!!!!!!

唔食, 唔食, 唔食, 唔食, 唔食粥!!!!!!

係一啖都唔食.....

堅持要同大寶睇齊, 食飯, 有送有汁的好味飯~

 

 

 

 

細寶有如此決定, 我當然開心, 但佢依然一慣作風.... 原啖吞!!!

仔呀, 此飯不同彼粥, 要咬O架... 用吓你D大牙仔好嗎???

 

 

 

 

細寶咁一刀切, 唔知關唔關新ee事呢...

舊姐姐回鄉了, 細寶雖然唔識講, 但從佢d行為都得知, 佢係有唔慣,

事無大小都大呼媽mi, 但估唔到就連食都會咁樣轉變, 

 

 

 

 

而大寶更係時有想起姐姐, 成日問我 " 點解姐姐呢幾日都唔返屋企嘅, 去咗邊??" 我答佢姐姐回家鄉呀, 佢就即喊... 

但有時又會自言自語講 " 新ee來照顧我, 咁第日姐姐又會回來搵我, 佢哋輪住陪我呀~" 講完又會開心返, 有時都唔明, 到底大寶係明亦或唔明呢??

不竟姐姐都陪大寶4年, 感情好到成日攬到攬頸, 不捨之心係要時間幫幫佢,

 

 

 

 

大寶, 細寶, 生活係要向前o架, 努力面對轉變呀~