又呻

好倦, 真係好倦...

心倦, 體力倦....

看見大寶一日一日咁大, 但個性就一日一日咁橫蠻不講理就心內好唔舒服,

有度氣在心內谷住谷住, 好想恨恨地打佢一鑊來發洩,

但都只係在腦中一閃, 未有行動......

成日問自己, 我係唔係教得好失敗....有咩做得唔好,

點解同佢講十次, 無一次做到...

唔好打, 唔好鬧, 講道理, 對你, 有用嗎??

好忟好忟好激氣!!!!!!!!!!!!!!!!!!!!!

大寶, 我只想你唔好咁大情緒,

係唔係我駝你時, 心情唔好影響到你??是我錯嗎??

是我少了時間陪你, 而今你不安嗎??

是細寶出世, 令你覺得大家不再重視你嗎??

baba獎勵你, 我讚你, 但又改善唔到你任何嘢....

可以點呢??? 是反叛期嗎?? 亦或真的三歲定80, 你會曳到80歲??

天呀!!!!!!!!!!!!!!!!!

明天還要繼續......

呻完就死去瞓啦, 唉......................

第一次學校旅行

 

2010年1月16日, 星期六, 晴, 山頂

 

 

期待咗成個月嘅學校大旅行終於都到啦,

今日係大寶第一次同咁多同學仔一齊去玩嘅一日,

目的地係山頂自然徑,

首先坐纜車, 又係大寶嘅第一次, 睇到唔願走呀~ 

 

 

 

 

 

 

平時唔肯用背包嘅大寶, 今日一知係自己嘅零食, 即刻袋不離手呀!!!!!

 

 

 

 

平時好多嘢講嘅大寶, 原來係學校係唔多講嘢, 仲好靜添, 估唔到...

不過一見返比較熟嘅同學仔時就即刻生猛哂,

又拖手, 又抱, 又攬, 又cool頸,咩都有呀....

 

 

 

 

呢倆位同學係係大寶嘅好友, 女嘅細大寶成半年, 但就高過佢, 大力過佢,

 

呢位男同學就好斯文, 好靜, 但同大寶好玩得吓,

如大家所見, 大寶咁cool 實佢都唔投訴, 就知佢好人啦~

 

 

 

 

全日最開心時候到啦, 大解放零食時間,

人人都超勢食, 不停口, 玩都唔玩, 咁又係, 平時有邊個可以咁樣呀?

幾個人仔一個墟~

 

 

 

玩咗半日, 大寶一上車就即瞓無哂聲啦~

好開心嘅旅行~ 正~~

 

 

 

火車迷

 

 

2009年, 12月20日, 星期日, 晴, 大埔火車博物館,

 

 

細寶好雀躍呀, 一見路軌就一支箭咁衝入去, 又仆又趴,

反之大寶就成個乞兒仔咁,周圍瞓.......

 

 

 

 

行得咁上下就玩石頭啦, 大寶話起爐燒嘢食,

係我同佢睇圖書時講過嘅, 咁上心記住, 又唔見係記吓d 字~ 

 

 

大寶見我同baba一人一機影佢哋, 忍唔住又要影埋一份, 係咁追住細寶影,

但只係影背脊.... 不過細寶見到大寶影佢時就笑得特別開心, 好喜歡呢張相~

 

 

 

 

 

 

 

 

 

 

 

 

 

** 大寶靚相一批 **

 

 

 

 

 

 

 

 

貪玩嘅細寶, 成朝都唔肯瞓,

到中午食飯時, 本應都食得好開心, 係咁食河粉,

點知, 食到中途, baba 見佢不停中吓中吓咁,

正想叫我睇吓佢之際.....

細寶已經zzzzzzzzzzzzzzzzzzzzzzzzzzzzzz

哈哈, 睇片就睇得多, 估唔到細寶真人表演食住瞓比我睇, 笑爆嘴呀~~~~~

 

 

 

 

 

叉完電嘅細寶, 起物食都唔食下午茶, 又周圍8888888888

睇人放紙鳶睇到手指指, 頭岳岳,

呵呵, 話咁快又一日啦~