2009年12月12日 星期六
2009年12月11日 星期五
睇日落@大澳
周日依然係我哋一家大細嘅郊遊日~
今次就去咗大澳~
初到貴景嘅細寶, 好開心, 不停亂咁行,
一見d雀飛來飛去又指東指西 ar 來 ar 去,
忙到不亦樂乎~
第一次坐快艇嘅細寶, 比d風吹到木口木面唔多聚財....
但大寶就好興奮, 問個船家今日有無見過白海豚, 仲大大聲講, 轉轉都見呀...
之但係..... 無得見個轉就比我哋搭咗.......
超失望, 可能太晏啦, d 海豚返哂屋企, 瞓覺豬啦.... 我安慰大寶不停咁講....
但都難掩佢個失落表情...
無咩表情嘅3個木頭人都唔多好影,
唯有叫 baba 影吓風景好過......
影到天到黑哂就返歸啦,
個細寶一落車又來行過啦, baba話佢係棉胎褲人,
咁睇真 d, 又幾腫嘅, 但又暖又舒服, 我就最鍾意幫佢著成咁, 老套當時興呀~
我就最愛d 舊式嘢啦~ 好難搵棉胎褲架~
就連搭地鐵都想落地行返轉, 有無咁好精力呀, 細寶少爺??
2009聖誕燈飾之青衣城
轉眼間, 細寶已經 14 個月大啦,
係今個月, 佢仲識得行啦~ 開心死我~~
但就死都唔比你拖佢隻手, 真係黃金咩, 掂吓都怕你摸蝕佢呀...
而講嘢都多咗好多,
最講得多都係個 " 曳曳 ", 真係關唔關我成日鬧大寶事呢??
一見 baba 就大叫 " ba...ba... pa " 呢d bb 話,
失驚無神都會叫吓我嘅 " 嫲 ma " 算唔算係我呀??
就連姐姐都有份呀 " 傘借 " 氹得姐姐鬼咁開心,
口頭嬋就係 " 哦~ " " ar~ " " 糊~ " 係高8度咁叫出來~ 嚇死你無命賠個隻~
食嘢方面都仲係以粥為主,
7點早餐食奶 + 粉麵 / 包
12點中午食粥, 有時加吓麥皮, 玉米粒, 魚, 肉,
至愛大眼魚同大倉魚, 同大寶一樣好識食~
4點午茶食奶 + 生果, 如果無生果食係會發脾氣的.... 又一名生果皇!!!
6-7點晚餐食粥, 一大碗, 好好味~
8-9點, 見我哋食完飯食生果都會來分 一杯匙,
9-10點睡起奶, 含情脈脈咁望住你, 真係你又甜夢我又甜夢啦, 衰豬~~
瞓都ok嘅,
係下午覺惡搞d... 因為大寶有時想同佢一齊瞓,
細寶受寵若驚之下, 心情極度抗奮, 次次都唔成功, 所以想一齊瞓都要再等吓...
玩就最拿手啦~
大寶推車仔咩, 佢又推,
大寶玩積木咩, 又爭又砌...
大寶玩波, 又死追爛追....
大寶同baba玩高高, 又要飛得高過大寶...
就連 baba 抱大寶時都要爭一直位, 死叫大叫咩都出齊,
誓死要同步, 同時成就埋 baba做大力士~
都好, 我樂得在旁睇戲~ 哈哈哈哈~~
散心散步
返咗學3個月啦, 大寶明顯地進步咗好多~
食嘢同著衫褲鞋襪都快咗,
由於我唔想事事幫佢, 同埋下定決心唔再放任佢, 我嘅任務開始啦......
由9月開始, 早餐要自己食,
我唔再"不"好一匙比佢再自己放入口, 我只係坐係旁邊提佢, 快d食, 快d食咁啫,
初初當然係唔願郁, 坐係度同我鬥長命啦...........
我咪又坐lor, 只係放個鬧鐘係枱, 講比佢知, 食3個字, 食唔食都即收無得食,
經過2, 3 日嘅饑饉早餐之後, 佢就明白, 唔食真係無得食.....
就係咁, 個幾星期之後佢就自動埋枱快快食早餐, so good~~
搞完一樣到一樣, 到出門口時嘅著鞋襪嘔血時間.........
次次都有唔同藉口嘅大寶, 一時講腳仔唔舒服, 一時講對鞋唔啱佢,
總之就一定要人幫佢, 我就偏偏唔幫你, 企係度睇住佢, 你眼望我眼咁......
一搞又3個字, 終於佢都屈服, 朝朝咁搞法, 就成為了遲到大王.....
日日遲到嘅後果係, 大寶個名會個個都識,
因為老師會係班房到講 BORIS 今日又遲到,
久而久之... 佢都識醜啦,
一入到地鐵就不停講 " 媽咪, 我唔想遲到呀... " 重覆又重覆咁講,
我就打蛇隨棍上講一大論道理,
如事者.... 2個星期到佢就知到, 凡事都快dd, 咁就會唔遲到,
所以 e+ 一叫佢快d, 佢都會快手快腳去做, so good~~
題外話, 一連3個月係咁遲, 有家長就問我點解唔幫吓佢,
我就好坦白咁講, 我餵得一次早餐, 幫得佢一次著鞋, 就前功盡棄.... 我唔想,
我令願佢比老師點名話佢, 同學笑佢,
都好過做一個唔遲到但咩都係我幫哂佢做嘅大少,
佢今日返得學就唔可以再讓步...
我要學放手, 佢要學獨立,
下定決心就慢慢向目標進發,
我知大寶做得到, 只係遲別人幾個月,
無緊要啦, 佢慢熱, 受軟唔受硬,
我就放慢d來, 花招盡出來迎合佢啦~
其本嘢有改善, 就到佢嘅牛脾氣啦,
真係盡得我同 baba 嘅真傳.......
固執, 死要面, 一想要自己嘅嘢就要全世界去就佢, 貪新忘舊, 蠻不講理, 亂發脾4......
唉.... 總之就難相處.......
咁直接指佢 d 死穴來講一定無改善...
唯有由故事入手, 每日陪瞓之時就係我一千零一夜嘅時候,
不停講, 不停作, 諗到頭都爆....
有時日頭大寶做錯咗, 夜晚我加入個故事入面時佢都會反省一陣,
但入唔入腦就唔敢包, 好彩, 佢都幾受落, so good~~
希望佢會努力進步落去, 唔好停, 唔好返轉頭~~
至於佢同細寶嘅相處之道, 佢倆尚在摸索當中,
細寶好想同大寶玩, 而大寶就好想獨佔哂所有好玩具唔同細寶玩....
只肯比d 2奶玩具佢玩, 並唔代表唔愛唔緊喎,
只係呢一刻唔多想玩住, 就比細寶玩吓, 一想起又走去搶返細寶....
唉.... 就算一式一樣都可以有分別的... 在佢眼中....
相親相愛就一定唔會時時有, 但願唔好日日嘈嘈閉都算執身彩...
希望2寶明白, 有兄弟一齊嘈住來成長都係件幸福事啦~
訂閱：
文章 (Atom)