大寶上學生涯之預備篇

 

 

8月26日, 大寶正式踏入佢2x幾年嘅讀書生活~

第一日係十分之抗拒, 因為佢唔想離開 baba 喎,

所以一直死攬住唔放,

不過行行吓發覺唔多自在又自動落地,

 

 

 

其實學校之前都半年都每一個月開一次pg比佢哋熱身兼見見面, 好等老師同同學仔都熟絡d, 而大寶都幾喜歡, 因為只係玩同食~ 佢不知幾like~ 一日到黑都講話上呢間而唔上音樂班, 整到我都要再重新考慮仲讀唔讀音樂班, 話哂都唔便宜的......

 

 

 

著起校服嘅大寶即時大個仔咗, 仲乖咗, 好天使,

but 真實嘅佢實在曳到腰心腰肺.....

 

 

返學啦, 唔可以再扮細, 要有自己嘅八達通, 大寶十分之興奮, 搭地鐵成為佢每日必做嘅事啦~

 

 

 

 

 

 

 

細寶睇到哥哥睇風景又要學埋一份, 倆個不停你一句我一句咁, 傾到唔停嘴, 雖然細寶係外星話, 但都溝通到~ 勁!!!

 

 

 

 

暫時都係上一個鐘, 到下星期就正式3個鐘啦, 我知道大寶一定得嘅, 因為佢都唔係第一次返學啦, 所以我想佢一定無問題~

而每次返學時, 大寶第一時間都會同我講 " 好掛住你呀~ "

我知佢會掛住但明白要返學, 所以都開開心心咁同我講bye bye的, 一到放學就更加不停講掛住我哋所有人, 明啦, 明啦, 都係想我之後陪住唔好走開啫~ 知o架啦~

 

其實細寶都好掛住大寶o架, 每日佢一入門口, 就第一時間走去接門, 不知幾開心, 有時大寶同 baba 去咗街, 佢都會悶悶不樂咁, 雖然我係度, 只係可以止喊, 但明顯地係無咁多笑容嘅~

我想細寶係喜歡哥哥多於我.........

 

 

 

 

 

假日隨影

 

禮拜日, 無節目, 不如在家諗諗節目~~~ ( 李克勤舊歌 )

 

無節目嘅係我同 baba 啫, 2寶只要有玩具, 去唔去街都無所謂,

因為日日都反轉間屋o架啦....

有相為証....

 

 

 

倆個真係將所有玩具倒哂出來逐樣逐樣玩一陣就又玩另一樣....

所以就周屋玩具, 並唔係周屋黃金....

 

 

 

 

 

曳人大寶見細寶同我哋影相影得好開心, 唔忿輸性格即時出現,

拿個痴毛機係咁轉細寶背脊, 傻蛋細寶以為哥哥幫佢按摩,

係咁傻笑~

 

 

 

最後都係忍唔住, 倆個野人唔出街發洩咁d精力點會早d瞓,

所以去公園行個轉啦,

 

 

 

大寶隨時隨地都可以心情狂奮~

 

 

 

係個草地係咁跳係咁跳, 所以話大寶同奀豬係好朋友係無錯, 倆個一見草地就失控...

 

 

 

仲手多多去除草.....

 

 

 

反觀第一次接觸草地嘅細寶就唔多受落, 喊哂口咁爬返來我身邊...

但隻手又唔想掂到d草, 又想快d爬到過來, 睇見就好笑~

 

 

 

都係企吓草地, 行吓好玩d~

 

 

 

 

 

馬騮精玩足成個鐘都唔倦, 不停又跳又爬....

 

 

 

 

 

睇來, 細寶對公園都開始感興趣啦, 要多d同佢哋去伸展伸展~

 

細寶新進步

 

2寶齊齊轉咗新 look~ 和尚仔~

 

 

快將11個月大嘅細寶, 近來愈來愈多新嘢~

已經出多2隻牙仔啦, 上面 4 隻, 下面 2 隻~

明白我哋所講嘅嘢多咗,

特別係佢一想去玩電制時, 我一叫 " 唔得 "

佢就即時學我 擰擰頭, 好得意,

自己一做到 d 新嘢, 就會指出隻食指不停向上,

讚自己之餘仲要求我哋讚埋一份~

見姐姐去買送同佢講 88, 就又手楊楊學做~

見哥哥爬 bb 床爬上爬落又學埋一份~

哥哥用杯飲水又學,

總之大寶就係佢偶像~ 咩都要學到足, 跟到足,

 

 

諗諗吓, 細寶都好幸福,

一出世就有哥哥陪, 雖然係要用哥哥舊嘢, 但明顯地佢係好開心, 日日都要痴住哥哥先開心, 而大寶有時雖然會蝦佢, 明知細寶玩梗都走去搶佢玩具, 但有時細寶喊又會即刻埋去呵呵佢, 比件玩具佢氹佢,

 

倆個時好時壞咁, 我就係旁邊睇住佢哋, 比佢哋嘗試解決吓先, 當然次次都係喊住收場, 但喊吓笑吓, 話咁快又一日啦~

 

 

一想起大寶下個星期就正式返學, 我心內就好忐忑......

上年大寶試返學嘅失落感又出現啦...

眼淺嘅我都係會悶悶不樂幾日吧.... 但願

 

 

希望今年有細寶陪我會易過d啦,

話哂呢個都係大寶大個仔嘅必經階段, 我都要學會面對,

無可能呢世都做 bb 陪我, 佢哋開始有自己天地啦....

 

 

細寶都係不知不覺間大咗, 會自己拿麵食啦,

 

 

 

雖然好污租, 但見佢食得咁起勁, 我抹地都抹得好開心,

話哂, 大寶個時係我迫佢食, 而細寶係自己搶住食,

幾大分別呢~

 

2寶新玩具

 

早幾日行經反斗城, 竟然見到有呢箱小火車做特價,

經過一陣嘅考慮就買咗啦,

我想大寶同細寶一齊玩的話, 都不算太貴吧......

購物狂的籍口..... 哈哈

無咩心機買嘢比自己, 就又想買嘢之時, 我就會失控地買圖書, 衫, 玩具比2寶,

呢個都係我減壓方法之一.... 不過都係一次半次好了,

要節制自己啦....

 

 

心情 high 爆嘅大寶, 當日叫佢做咩都即做, 抱住細寶係咁影相~

 

 

倆個都極度興奮, 圍住個盒係咁轉來轉去~

 

 

 

 

模型白痴嘅我, 一打開個盒就即時眼花投降.....

都係由 baba 出手搞掂佢, 唔駛一個鐘就砌好啦~

 

 

 

 

 

 

 

 

大功告成~

大寶即時玩到連午睡都唔肯瞓...

 

 

 

 

 

 

 

自私嘅大寶, 死都唔肯分享佢o架綠色火車比細寶玩,

但個細寶一d都唔認細, 誓死爭一份,

唉...... 倆個係咁係度你一句, 我一句咁.... 嘈到暈.....

2寶去影樓 part 2

 

 

呢批就係我最滿意嘅相~

 

2寶玩得好開心~

 

本想比佢哋各著住 i love mum & i love dad 咁, 但可惜 i love mum無哂貨, 咁唯有齊齊都只可 baba啦, 橫掂佢今之無份影,

哈哈~

 

 

 

 

 

 

 

 

 

 

 

 

 

 

有大寶喜歡嘅私家眼鏡同綠色褲, 仲有 full 啦圈, 所以佢勁開心, 不停又跳又叫, 所以個攝影師哥哥好容易就影到佢最真一面~

 

 

 

 

 

 

 

 

 

 

 

 

 

 

 

 

 

 

 

總結今次都係開心嘅~ 因為平時2寶一見 baba 鏡頭就各有各走去玩, 難得今次有咁多合照,

 

所以我都守唔住防線, 要多咗2張相~

 

算係對得住baba 個銀包o架啦......