為食嘅細寶, 一見我哋食嘢就想埋來分一杯匙~
一於就順水推舟, 練一練佢d 手指仔~
細寶為咗要食到粒星星餅,
真係好比心機,
我哋示範咗2, 3 次之後, 佢就明白我哋要佢自己攞嘅意思~
慢慢用2隻手指仔去夾~
試得幾次成功之後, 就連佢自己都打大脾鼓勵自己~
哈哈~ 個表情好滿足~
加上大寶一直都係旁邊,
一見細寶食得慢d, 就偷雞食佢幾粒,
細寶眼見大寶一食就3, 4粒,
肉緊嘅佢都即刻加多幾錢力去攞入口~
呵呵~ 爭啦, 爭啦~
咁好快就一齊食, 唔駛餵啦~
慢熱嘅細寶, 足9個月啦~
係近呢幾日先開始做吓掌上壓... 想爬啦,
不過就未得, 尚係 "冷" 嘅階段....
努力中.......
7月1日, 星期三, 熱到嘔.......
大寶呢期熱愛惡龍~
咁啱海洋公園暑期主題又係佢, 一於單拖同大寶去玩一轉~
單單睇惡龍都睇咗成個鐘.... 有無咁愛呀???
其實佢之所以咁喜歡, 都係多得屋企本書~
以前佢都只會睇圖, 但近來深入咗小小,
不停問我點解恐龍會得番排骨,
咁我解釋比佢知係死後幾千萬年之後, 個副骨就係化石,
佢突然腦筋一轉問我, 咁點死?? 咁d肉去咗邊??
就係咁, 係屋企對住本書不停問, 不停解,
好好笑, 有日我同佢去街買飯食,
我同佢講 " 媽咪好肚餓呀, 就來餓死啦.... "
佢回我一句 " 咁你咪會變化石lor.... "
哈哈~ 原來係佢眼中一死就變化石???
本以為呢個發掘遊戲一定會吸引大寶, 點知望倆眼就走....
唔通太小兒科, 無興趣???
今日影嘅所有相都唔望鏡頭...... cool 到爆..
今日真係熱到嘔....
特別為大寶設計咗個村姑look for 排隊時用, 又係唔理我鏡頭....
匆匆咁玩咗幾個鐘就急急腳走人啦~
話就話2人行, 但我心內一直都擔心細寶在家會搵我.....
好彩, 細寶都只係不停呱呱叫而無喊同發脾4,
第一次離開佢咁耐, 尚算成功~
原來...... 倆隻馬騮係不知不覺間都大個啦......
