玩到唔著褲

大寶玩得太興奮啦, 就連去sh sh都唔記得, 短短1個鐘頭內失守了3次, 無用豬~

照咁睇.......第日返學時都唔知會濕幾多條褲仔呢??

原來可以咁開心~

今日返了爺爺嫲嫲屋企玩, 好開心呀~

因為有3位3胞胎既哥哥姐姐同大寶玩,  論輩份佢地3位就係大寶既表叔表姨, 只不過年齡就只是9歲, 所以大寶都係叫佢地做哥哥姐姐啫~

以前見面時大寶都未識同佢地玩, 話咁快今次就可以玩到咁癲, 幾隻馬騮玩到唔願走,

又扮海獅又扮係波波池度玩, 總之就嘈到拆天, 不過睇到佢地玩得咁開心, 就覺得小朋友有個件成長係會好好多, 不知第日大細寶係屋企會嘈成點呢?? 

8號風球下的早上

8號風球呀~ 無得去球場玩啦, 又無得去街啦, 又無得見太陽伯伯啦, 總之就悶啦.............

所以大寶就係屋企做出一d極無聊行為自娛一吓!!!!!!!!!!!!

沙灘小子

酷熱天氣下, 最好消暑既方法就係去玩水~

今日我地就去沙灘暢泳兼玩沙!!

一身街坊裝就出發啦~

柏麗灣真係一個幾好既地方, 又近又有離島feel, 今日除了多人去沙灘游水之外, 就連大大細細既狗狗都要去另一邊既沙灘仔度消消暑, 大寶一見狗仔就去打招呼, 仲要同d叔叔傾番兩句, 不過內容就九唔搭八......

叔叔: 小朋友, 你坐係度做咩呀?

大寶: 我係度休息之ma! (啱啱到就休息??)

叔叔: 咁好啦, bye bye!!

大寶 : 我休息緊呀, bye bye~ (一d禮貌都無.....)

終於都到沙灘啦~ 真係熱死人呀!!!

自從上年去過一次沙灘而病了之外, 今次是第2次, 本來好擔心佢會怕d沙, 估唔到行幾步之後就玩得好開心啦, 仲不停行去海度裝水, 一d都唔怕~

點知條友仔愈行愈出, 見到baba係海度仲狂奔走落海, 結果.......就扑倒在海中, 飲咗啖海水....... 我立即捉番住佢問佢點呀??? 點知佢只係苦哂口面咁答我 "好鹹呀!!!" 轉身就走番上岸, 繼續玩沙啦~

除咗件濕衫後既大寶, 真係得番排骨身才..... 點解你一d肉都無既???

玩玩下又發覺附近有個妹妹坐咗係度, 八卦既心又忍唔住走埋去打個招呼,

大寶: (傻笑)hi~ 你好呀?

妹妹 : ........... (可能聽唔明, 無出聲)

大寶 : 你游水啦, 你去游水啦~ (命令既語氣) 

妹妹: ..............(應該真係唔明, 彩都唔彩)

跟住大寶就自己好開心咁走番番來, 我諗佢心內一定以為識到朋友, 心情興奮緊, 

心情興奮到周圍走, 跟手仲將自己d玩具搬去個妹妹附近玩, 真係無佢咁好氣呀.......

玩到中午最c熱既時候, 本想餵大寶食飽飽之後再落水玩既, 點知...... 食飽坐坐下就瞓咗?! 我地仲要係佢瞓著既時間同佢換衫, 但個曳人竟然知道除泳褲, 一除就喊, 再除再喊...無符, 就唯有穿咗面褲再外穿泳褲, 好一個超人look~ 附近既姐姐都笑佢呢, 但傻豬寶一於我行得素, 繼續瞓~ 

經過一日既狂曬之後, 晚上返到屋企一照鏡就大件事啦!!!!!!

由於我掛住同大寶玩, 忘記在腳度查太陽油, 結果我雙肥腿由白雲豬腳變為紅燒豬腳呀~ 好彩只得我一個係咁咋, 大寶在姐姐既細心照顧, 不停補給太陽油既情況之下逃過一劫, 而我就要痛幾日啦....嗚......

新招~

唉.... 我有d內疚呢.....

有了細寶之後, 我少了同大寶玩, 以前成日在床上同佢打關斗, 坐在肚上玩彈彈人, 呢埋在被窩入面玩捉人, 在地爬在地轆既傻瓜遊戲, e+既我都唔能親身上陣了, 唯有baba代玩啦.......

有時見佢地玩得咁開心都忍唔住玩一陣, 但個傻豬寶實在玩得太癲了, 成日都衝埋我度..... 拒絕佢又唔係, 繼續玩又唔係, 都係自己摺埋一邊做住旁觀者........

咁暫時我唯有轉為故事佬, 日又講, 夜又講, 總之大寶一想聽故事就會拿本書來搵我....  好靜態既工作......

今日, 大寶又發作要發洩一下佢既精力了, 其實日日都發作的...... 只是今日baba想了個新招式來對付佢...  哈哈~

 

挑戰穿褲仔

 

近日開始幫大寶介日間片片, 暫時都..............OK既~ (細細聲)

但革命尚未成功, 大寶還需努力!!!

至於夜介就更加未敢嘗試........

日頭SH SH完之後見佢幽褲仔都幽得幾好..

晚上無無聊就叫佢試吓自己穿褲仔,

哈哈, 又穿得幾好喎~

仲得戚到揮旗仔

 

悠閒下午

完成我既行程之後, 又到主角大寶既節目啦,

就係去九龍灣 mega box 行街街~

無所事事就最好食呀! 食呀! 賣相都好吸引吓, 睇吓食得幾知味~

商場既裝修好吸引, 特別係呢個轉轉魚, 大寶直情想爬上去玩,可惜在baba既協助下都掂唔到.......

而個遊戲室實在太多人啦, 玩咗一陣就要閃人.......

下午茶時間, 在大寶既強烈要求下.......係食糖o架!!

係呢度我都要投降了.....太多小朋友食糖同棉花糖啦!!

行行吓, 又到baba話要食下午茶了,

大寶又要分一杯匙.....又係食得好知味~

點解大寶你去親街都咁好胃口既??

 

 

beyond~家駒展覽

身為死硬派fans, 得知有個展覽就當然要去一去啦,

今日就帶埋大寶一齊去了家強為家駒開既展覽館,

內裡放了很多展品, 大寶對裡面既結他同鼓都好有興趣, 玩到唔多願走~  有d後悔帶佢來添, 整到我無咩時間慢慢回顧.......

大寶既小進步

自從在07年10月開始上了這個開心樂園班之後,

大寶一直都有進步

正如老師所講, 佢由一嚿飯變到好多嘢講,

由一定要我陪上堂到現在自己完成一堂都無咩大問題,

做早操亦都肯跟住做, 返到屋企仲自己不停做來溫習溫習,

而有時心情好既話仲會唱反兩句娛樂大家~ 睇到都開心~

不過大寶有時好討厭呢, 明明自己識穿鞋但又懶, 見到大人老師就依賴, 食飯亦都如是... 真頭癢.......

 

呵呵~ 呢本算不算第一本返學手冊呢??

 

3月生日之星變了4月之星~

多得老師細心幫佢補做生日會,

學習自己洗碗~ 睇大寶個得戚樣好似無咩難度

訓練大小肌肉既大湯碗

難得又捕捉到佢笑既一面

日日做早操, 人都健康d, 仲要成班朋友仔一齊, 都幾齊喎~ 

扮醫生遊戲, 大寶! 咁你想唔想做呀??

今年9月就正式返學啦, 大寶你到底得唔得呢??