做早操！學生果？

大寶係屋企教佢既好朋友" 汪汪狗"毛公仔做早操～

不過來來去去都係”叔叔膊頭”？？

平時好有心機教我做哂全套既大寶，

現在一見鏡頭就怕羞，咩都唔做．．激死！

 

 

做做吓又走去教認生果，此為大寶強項～

 

 

 

遲來的生日蛋糕

學堂今日為大寶補祝２歲生日，

係就係遲了一個月，但導師既細心安排，都令我有ｄ喜出望外，

由於３月尾臨時停課既關係，大寶就做唔成３月生日之星了，

但估唔到會學堂會幫大寶補祝生日，好開心～

轉眼間都上了半年了，大寶由一嚿飯變為現在可以獨自上堂，

時間快，小朋友既成長仲快，睇住個個有進步真係好開心，

獨立上堂

不知不覺，大寶已在學堂裡獨立上課個多月了，

我地家長不再陪伴一起既時候，小朋友當然有喊啦，

但估不到大寶竟然可以完全忘了我，

專心聽導師講話同玩遊戲，

呀四既地位．．．真係無咩

 

可惜在自理方面就落後了小小，穿鞋仔都仲係要人幫，

有大人時既依賴心仲係好強，有待進步．．

 

我在門外偷望時，

看見大寶自己行平衡木時都幾專心，放下心頭大石．．一半

因為在食茶點時，

佢係唔肯自己食既，除非是佢好喜愛既食物，

如果唔係都係要我餵．．．

不知在８，９月正式返學時，

大寶會唔會無餐好食呢．．．好擔心！！

 

 

放學後，大寶至愛到街市既生果檔閒逛，

行到檔主都認得佢了，

次次都要買返一兩樣生果才開心既，

有時失驚無神會講句”買個芒果比舅父先～”

就會去選芒果，

又係無我份．．．．

又有時見到西瓜就話”好甜呀呵？大寶買一個，比錢錢先～”

又拿了個西瓜走人，

都未比錢．．．

就係咁，買吓一樣，買吓又多一樣，次次都係咁，

玩完生果檔就去玩雞蛋，

大寶！你真係好愛街市咩？？

每個周未陪姐姐去街市都唔厭，無你符呀！！

０８旺丁？？

今日去了醫院登記檢查，遇見另一位１０月媽媽，

佢又係好想得個”囡”，不過就未去照，所以未知道，

咁啱今日又可以有得照吓幾多周，

咁．．當然打蛇隨棍上，不停問吓姑娘啦～

點知個姑娘口密得緊要，一字不提．．．

為有待下次才知道了，真替佢期待，

不過以我所識認既０８媽咪當中，已有３位是囝囝了（計埋我）

所以我覺得０８都好似幾旺囝喎，希望有冷門出現～

 

 

而我在體重方面一ｄ進步都無，還在減磅中．．．

醫生要我補充維他命丸，唉．．．點解今次我咁無胃口呢，

好驚如上次個醫生講”再無增磅，有機會要吊鹽水！！”

但我身上有咁多肥膏？？唔洗掛？似嚇我多ｄ喎．．．

正餐又唔想食，禁品食物就

　日思

　夜想

，點算？？

未解決，未解決呀！！

 

 

細寶弟弟

檢查完了，細寶有８成機會是弟弟呀～

我既”細寶妹”美夢不成，

１０月就有第２技頂心杉來與我見面了，

不過醫生都係話８成啫，還有２成機會比我去發夢，

”好”字美夢！！

待下次檢查時確定多一次，

 

 

不過ｂａｂａ話細寶知道呀四咁諗會唔開心，不准我再亂講，

佢話仔囡都會咁錫，何必強求．．．

都啱，緣份天註定，

兩兄弟一同成長，感情都好ｄ，

大寶既野都可以留回細寶跟手尾了，可以慳唔少～　呵呵！！

 

起舞吧～

近來大寶聽到音樂都會聞歌起舞，

不過我一話影吓你先，就即刻怕羞擰轉面．．．

不過個表情都幾得意，

就比大家睇吓佢扮怕羞既古怪樣

 

~新界遊~

今日參加了一個親子團去新界一日遊，

首先去了大埔海濱公園，

但落雨天都無咩好行，逗留一會就去下一站，

就是參觀牛奶廠，但無用豬大寶瞓咗，

得番ｂａｂａ自己去參觀

 

 

食完午飯，就去薰衣草園了，

個天終於都放晴了，可以影吓相啦～

 

三個排排企好得意～

 

一大班小朋友圍埋吹泡泡，有ｄ似打邊爐

 

 

最後去摘士多啤梨，可惜已經唔係季節了，

我地好努力尋寶都搵唔到一ｄ見得人既～

但個大寶就細又摘，青又摘，

仲對自己既成績好滿足添～