朋友仔？？

向大家介紹呢位朋友仔，有什麼新玩具，食物我都會同汪汪分享，

特別在晚上食奶奶時更加一定要一齊，無汪汪陪伴會周身唔舒服呢～

我驚蚊蚊，所以身上長期都有蚊貼架，

咁我又怕你驚蚊蚊，比一塊你呀，哈哈～我地係好朋友呀痳！！

我地排排坐睇ｔｖ呀～

係咪好舒服呢，哂住太陽睇ｔｖ，又可以食吓ｙｏｇｈｕｒｔ，正正呀！！

偷閒2個鐘

昨晚呀四１號相約了兩位老c飯局，呵呵～其實我才是主菜呢，她們都係想見見我

，

我好叻叻呀，表演夾送，你一件我一件咁夾個不停，ｄ野食好味之餘再加上我熱情既款待，人人都食得開心快樂

．

可惜呀四１號為咗自己有餐安樂茶飯，竟對我下逐客令，要先行回家洗白白．．．無得留底攪破壞

，

哈哈～～～臭豬寶返屋企後就係我ｆｒｅｅ　ｔｉｍｅ啦

，

我地天南地北一輪咀咁傾計，３個女人一個墟

真係無錯，好快就２個鐘了，夠鐘返屋企餵奶奶啦兼氹個臭豬訓覺．．．

再多說話都要留待下次了，

吓？你做咩呀！！

 

　正所謂工多藝熟，我日見夜見ｂａｂａ清潔”切刷”機，

　等我都幫幫手先，係咪好似刷牙仔咁．．

　向上刷，向下刷，不停胡亂係咁刷就ｏｋ啦，哈哈～

 

ｅｓａｙ　ｊｏｂ　，得個幾件零件，我幾分鐘就清潔完啦～

 

哎呀．．．死火啦！！唔識砌番部機添．．．

｛下午茶節目｝

　

　近排呀四１號話我曳曳豬呀

下午唔肯覺豬仔，一係就下午訓完

　晚上１２點才肯訓呀，日夜顛倒既生活對我唔多好，所以下令唔

　比我訓下午啦

日子流流長．．在家又無咩攪作，為有去葵涌廣

　場行街街，就係咁比我發現有個好地方

＞ｎｏｗ金魚！＜

　ｄ哥哥姐姐玩得好叻叻，我真係睇到唔肯走兼想落手落腳玩埋一

　份呢～哈哈哈哈！！

　　你睇你睇～我真係睇到眼定定架！！

　　你地應該聽我講由旁邊開始，ｄ魚魚咪走唔甩囉．．．

　　睇完魚魚就最好巡視業務，睇下有無新玩具店先～

　行下行下又見到蛋蛋機，等我入去玩返３，５，７個字先．．

　呵呵！！

　每日都有得街街，玩　到　不　亦　樂　乎　呀　！！

＊挑戰味蕾＊

　晨早起床～　清新開朗～　

　早睡早起身體好～

　快快來食返個早餐先，朝朝都見媽咪食碗顏色鮮艷既麵麵，點解我食既就

　無色呢？？

　等我扭計叫媽咪，ｂａｂａ比我試下先．．．

　一於將自己碗早餐掃落地先．．

　哈哈～　得咗！！

　媽咪ｃｃ地氣比我試食啦～

　　　唔～～～～嘩，嘩！！！

　　好味呀，辣得很知味呀～～

　　平時食既野無味無道，早就要比我食辣辣啦，”正”呀！！

　　就係咁．．．歲半人仔就開始挑戰辣辣旅程～

　＊＊青出於藍呀＊＊

約會小b女＾＾

　　等我介紹下呢個地方先～波波池是也！！

　　小ｂ女呀，快ｄ落嚟玩啦！！

　　開戰啦，開戰啦～　我地頭喎！你重唔投降？？

　　　小ｂ女：點解我架車唔郁既？？

　　大寶ｂ：等我教你啦，傻妹呀，你都未撻車！！

 

　　比小小時間我，就有得食啦～～洋蔥炒積木，好唔好？？

　　　等我收埋ｄ波波留返下次玩．．．得我知架咋～

 

玩咗咁耐，排排坐影張合照啦～喂喂！小ｂ女你隻手做咩呀？？

 

哎呀～小ｂ女你做咩咁肉緊要ｃｏｏｌ我頸？唔捨得我走呀？？

今日下午，呀四一號見無咩世倪，就幫我相約小ｂ女到婆婆家既會所玩玩，

可能今日是週末，當時已有好多小朋友，我們首先到波波池開戰，雖然小ｂ女第　一次玩，但以佢大大隻既身軀，我勉強與她對戰一會就要落荒而逃，毫無招架之力．．．

我好快就轉型玩車車，橫衝直撞無有怕，遊車河經過一埋小朋友身邊．．

”ｏｈ～～廚房呀！！”

　以大廚自居既我當然要大顯身手啦，速速跳車去煮飯比大家食，都未煮好個茄子炒波波．．就被我發現有３，４個姐姐在玩層層疊，呢個新寵玩意，又點可以忍手呢？？破壞一番之後．．

我又回到波波池再由頭玩一次

，呀四一號同ＥＥ見到我精力充沛都無哂符．．玩呀玩～　衝呀衝～　轉眼就７點了，又到食晚飯時間，小Ｂ女都要回家了，我同小Ｂ女錫完面面，ｂｙｅｂｙｅ完之後都好唔捨得，不停指住地地要求玩多一陣，可惜小ｂｂ同我又怎敵得過媽咪她們呢

．．唉～～

回到婆婆家之後就到重頭戲”打邊爐”，大熱天時真係搵來熱架！！不過一大班人圍埋烚下烚下又好開心喎，我重一路食一路餵汪汪奀食呀

，又西瓜又餅仔，佢都不知幾跟我，哈哈～　不過唔知佢肚仔受唔受得住呢？？